Ronaldo : क्रिस्तिआनो रोनाल्डो इज बॅक! पुन्हा खेळणार मँचेस्टर युनायटेडकडून

सुपरस्टार फुटबॉलपटू क्रिस्तिआनो रोनाल्डो (Cristiano Ronaldo) पुन्हा एकदा इंग्लंडमधील बलाढ्य संघ मँचेस्टर युनायटेडकडून खेळताना दिसणार आहे. रोनाल्डो मागील तीन मोसम इटलीतील फुटबॉल संघ ज्युव्हेंटसकडून खेळत होता. मात्र, युनायटेडने त्याला पुन्हा करारबद्ध करण्याची तयारी सुरु केली आहे. मँचेस्टर युनायटेडने याबाबतची घोषणा केली. आता करारातील वैयक्तिक बाबी रोनाल्डोने मान्य केल्यावर त्याची वैद्यकीय चाचणी होईल. या चाचणीत उत्तीर्ण झाल्यावर रोनाल्डो मँचेस्टर युनायटेडसोबतच्या करारावर स्वाक्षरी करेल. पोर्तुगालचा हा महान खेळाडू ज्युव्हेंटस संघ सोडणार असल्याची मागील काही दिवस चर्चा सुरु होती. अखेर युनायटेडने त्याला करारबद्ध करण्याची तयारी सुरु केली आहे.

युनायटेडकडून केले ११८ गोल

रोनाल्डो याआधी २००३ ते २००९ या कालावधीत मँचेस्टर युनायटेड संघाकडून खेळला होता. या काळात त्याने सर्व स्पर्धांत मिळून २९२ सामन्यांत ११८ गोल केले. तसेच तो संघात असताना मँचेस्टर युनायटेडने आठ स्पर्धा जिंकल्या होत्या. आता त्याच्यासाठी मँचेस्टर युनायटेडचा संघ ज्युव्हेंटसला २५ मिलियन युरो मोजणार आहे. तसेच रोनाल्डो दोन वर्षांचा करार करेल.

पाच वेळा बॅलन डी’ओरचा विजेता