डावखुरा फिरकीपटू हरप्रीत ब्रार आणि लेगस्पिनर रवी बिष्णोई या युवा फिरकीपटूंच्या अप्रतिम गोलंदाजीच्या जोरावर पंजाब किंग्सने आयपीएलच्या सामन्यात रॉयल चॅलेंजर्स बंगळुरू संघावर ३४ धावांनी विजय मिळवला. ब्रारने चार षटकांत १९ धावांत ३ विकेट घेतल्या. त्याने बंगळुरूचा कर्णधार विराट कोहली (३५), ग्लेन मॅक्सवेल (०) आणि एबी डिव्हिलियर्स (३) यांना बाद केले. त्याला बिष्णोईने १७ धावांत २ विकेट घेत उत्तम साथ दिली. त्यामुळे १८० धावांचा पाठलाग करताना बंगळुरूला २० षटकांत ८ बाद १४५ धावाच करता आल्या. बंगळुरूने सुरुवातीपासूनच विकेट गमावल्या. कोहली (३५), रजत पाटीदार (३१) आणि हर्षल पटेल (३१) यांच्याव्यतिरिक्त इतर फलंदाज झटपट बाद झाले. त्यामुळे बंगळुरूने हा सामना गमावला. हा त्यांचा सात सामन्यांत केवळ दुसरा पराभव ठरला.
Challenge accomplished! ✅😎#SaddaPunjab #PunjabKings #IPL2021 #PBKSvRCB pic.twitter.com/JMyKacjw0l
— Punjab Kings (@PunjabKingsIPL) April 30, 2021
कर्णधार राहुलची अप्रतिम खेळी
त्याआधी या सामन्यात कोहलीने नाणेफेक जिंकून प्रथम गोलंदाजी स्वीकारली होती. पंजाबने २० षटकांत ५ बाद १७९ अशी धावसंख्या उभारली. कर्णधार लोकेश राहुलने अप्रतिम फलंदाजी करताना ५७ चेंडूत ७ चौकार आणि ५ षटकारांच्या मदतीने नाबाद ९१ धावांची खेळी केली. त्याला क्रिस गेल (४६) आणि हरप्रीत (२५) यांची साथ लाभल्याने पंजाबला मोठी धावसंख्या उभारण्यात यश आले होते.
9⃣1⃣* Runs
5⃣7⃣ Balls
7⃣ Fours
5⃣ Sixes@klrahul11 led the @PunjabKingsIPL‘s charge with the bat and did that in some style. 👏👏 #VIVOIPL #PBKSvRCBWatch that fine knock 🎥👇https://t.co/PTwTPQ1PbY
— IndianPremierLeague (@IPL) April 30, 2021