IPL 2020 : हिटमॅन इज बॅक! SRH-MI सामन्यात रोहितचे पुनरागमन

आज आयपीएल स्पर्धेत सनरायजर्स हैदराबाद आणि मुंबई इंडियन्स यांच्यात सामना होत आहे. मुंबईने याआधीच प्ले-ऑफमध्ये प्रवेश केला असून हैदराबादला प्ले-ऑफ गाठायचे असल्यास हा सामना जिंकणे अनिवार्य आहे. मुंबईच्या संघासाठी या सामन्याचे विशेष महत्त्व नाही. त्यामुळे मुंबईचा संघ या सामन्यासाठी काही प्रमुख खेळाडूंना विश्रांती देईल अशी अपेक्षा होती. मात्र, याऊलट पायाला झालेल्या दुखापतीमुळे मागील काही सामन्यांना मुकलेल्या कर्णधार रोहित शर्माचे मुंबई संघात पुनरागमन झाले आहे. ‘मी पूर्णपणे फिट आहे,’ असे नाणेफेकीच्या वेळी रोहित म्हणाला.