भारतात आज ‘वनप्लस ८ सीरिज’ लाँच होणार; जाणून घ्या फिचर्स

चीनची वनप्लस स्मार्टफोन कंपनी वनप्लस 8 आणि वनप्लस 8 प्रो फोन आज लाँच करणार आहे. या फोनची बरीच माहिती लाँच होण्याआधी लीक झाली आहे. ज्यामध्ये संभावित किंमत आणि काही फीचर्सची माहिती उघड झाली होती. वनप्लस ८ सीरिजमध्ये लॅटेस्ट प्रोसेसर आणि उत्कृष्ट असा कॅमेरा असणार आहे. कंपनी आज वनप्लस ८ च्या ५ जी व्हेरियंटचीही घोषणा करण्याची शक्यता आहे. यासह कंपनी OnePlus Bullets Wireless Z इयरबड्स सुद्धा लाँच करणार आहे. लाँच होण्यापूर्वी कंपनीचे मुख्य कार्यकारी अधिकारी पेट लॉ यांनी ट्विटरवर एका पोस्ट शेअर केली आहे ज्यामध्ये वनप्लस 8 प्रोच्या अल्ट्रा-वाइड कॅमेर्‍याबद्दलही माहिती दिली आहे. भारतात आज रात्री ८.३० वाजता वनप्लस ८ सीरिजचं लाँचिंग होणार आहे. हे लाँचिंग कंपनीच्या अधिकृत यूट्यूब चॅनेलवर पाहता येणार आहे. या सीरिजच्या स्मार्टफोनची खरी किंमत आणि या फोनची खास वैशिष्ट्ये लाँचिंगनंतर स्पष्ट होणार आहे.

हेही वाचा – स्वस्त iPhone १५ एप्रिलला लाँच होणार; जाणून घ्या किंमत

वनप्लस ८ प्रोमध्ये ३० वॅट फास्ट चार्जिंग आणि वॉर्प चार्ज ३० वायरलेस चार्जिंग सपोर्ट सह ४५१० एमएएच क्षमतेची बॅटरी, तर वनप्लस ८ मध्ये ४३०० एमएएच क्षमतेची बॅटरी दिली जाण्याची शक्यता आहे. हा फोन किती रॅम आणि इंटर्नल स्टोरेजचा असेल याबाबतची माहिती समोर आली नाही. मात्र, वनप्लस ८ प्रो हा ८ जीबी आणि १२८ जीबी तसंच १२ जीबी आणि २५६ जीबी स्टोरेज या पर्यायात असूण्याची शक्यता वर्तवली जात आहे. या फोनमध्ये अँड्रॉइड व्हर्जन १० ओएस असेल. ४८ मेगापिक्सलचा कॅमेरा असू शकतो.