कधी गायीच्या कुशीत तर कधी मानेवर बसून खेळतोय हा चिमुकला; व्हिडीओ व्हायरल

हिंदू धर्मात गायीला देवी स्वरूप मानलं जातं. लहानपणा पासूनच आपल्याला गाय आपली माता असं म्हणण्याची शिकवण दिली आहे. खेड्यामध्ये अनेकजण पाळीव प्राण्यांपैकी गाईला पाळणं देखील पसंत करतात. अशावेळी घरामधील लहान मुलांची देखील या पाळीव प्राण्यांसोबत चांगलीच गट्टी जमलेली असते. अशा कुटुंबांमध्ये आणि त्यांनी पाळलेल्या प्राण्यांमध्ये एक अनोखं नातं तयार झालेलं असतं. असाच एक व्हिडीओ सध्या सोशल मीडियावर व्हायरल होत आहे. ज्यामध्ये लहान मुलगा गायीसोबत खेळताना दिसत आहे.

सध्या या व्हिडीओ मोठ्या प्रमाणात व्हायरल होत असून या व्हिडीओमध्ये त्या लहान मुलासोबत गायसुद्धा खेळताना दिसत आहे. यातील लहान मुलगा आधी गायीला मिठी मारून उभा होता, त्यानंतर कधी गायीच्या मानेवर तर कधी गायीच्या पुढ्यात लोळताना दिसताना दिसत आहे. गाय सुद्धा त्याला कुरवाळते हा प्रेमळ व्हिडीओ पाहून लोक आश्चर्यचकित झाले आहेत. काहींच्या मते हा व्हिडीओ खूप जुना आहे. मात्र, आता तो खूप व्हायरल होऊ लागला आहे.

हेही वाचा :…अन् पाहता पाहताच आभाळ फाटलं, ढगफुटीचा व्हिडीओ व्हायरल