सध्या मोबाईल चार्जिंग करणे खूप महत्त्वाचे झाले आहे. त्यामुळे मोबाईल सुरू ठेवण्यासाठी सतत चार्जिंग केला जात आहे. पण मोबाईल सतत चार्जिंग केल्याने त्याचा स्फोट होतो हे अनेकदा आपण ऐकले आहे. त्यामुळे आपल्याला नातेवाईक किंवा आजूबाजूचे लोकं चार्जिंग करताना मोबाईलचा वापर करू नकोस असे नेहमी सावध करत असतात. पण याकडे आपण दुर्लक्ष करतो. असेच काहीस एका रशियाच्या मॉडेलसोबत घडले आहे. ही मॉडेल आपला आयफोन चार्जिंग लावून बाथटबमध्ये आंघोळ करताना वापरत होती. यादरम्यान तिच्या हातातला आयफोन पाण्यात पडला आणि वीजेचा जोरात झटका लागल्याने तिचा बाथटबमध्येच मृत्यू झाला.
तपासणी दरम्यान समोर आले की, ओलेशियाचा मृत्यू वीजेच्या झटक्यामुळे झाला आहे. ओलेशियाने फोन चार्जिंगसाठी ज्या सॉकेटचा वापर केला होता, ती मेन लाईन होती. तिचा आयफोन-८ पाण्यात पडला होता. दरम्यान ओलेशिया नेहमी बाथटबमध्ये बसून व्हिडिओ करत असते. त्यामुळे या दिवशी देखील ती व्हिडिओ करत असेल आणि यादरम्यान ही दुर्दैवी घटना घडली असेल, अशी शक्यता वर्तवली आहे.
माहितीनुसार, जर सॉकेट मेन लाईनमधील नसते तर शॉर्ट सर्किटनंतर ओलेशियाचा जीव वाचला असता. तसेच मोबाईल वॉटरप्रुफ असल्यामुळे तो पाण्यात पडल्यानंतर खूप वेळ सुरू होता आणि चार्जिंग देखील सुरुच होते. यापूर्वी रशियामध्ये १५ वर्षीय मुलगी अन्नाचा बाथरुममध्ये फोनमुळे वीजेचा झटका लागल्याने मृत्यू झाला होता.
हेही वाचा – होऊ दे खर्च! बर्गर खायला बुक केले २ लाखांचे हेलिकॉप्टर!