ज्योतिष शास्त्रात कोणत्याही व्यक्तीच्या कुंडलीसोबतच त्याच्या राशीवरुन किंवा जन्मांकावरुनदेखील त्या व्यक्तीचे गुण, अवगुण, स्वभाव, भविष्य हे सर्व ठरवले जाते. व्यक्तीच्या राशीचा आणि भाग्यांकाचा व्यक्तीच्या आयुष्यावर प्रभाव पाहायला मिळतो. पण तुम्हाला ठाऊक आहे का? फक्त रास आणि भाग्यांकच नाही तर व्यक्तीच्या जन्माच्या वारानुसार देखील त्याच्या आयुष्यातील अनेक गोष्टींचा अंदाज लावला जातो. आज आम्ही तुम्हाला बुधवारी जन्मलेल्या व्यक्तींबाबत सांगणार आहोत.
बुधवारी जन्मलेले लोक कसे असतात?
बुधवारी जन्मलेले व्यक्ती धार्मिक असतात. हे व्यक्ती बुद्धिमान, स्वाभिमानी आणि सभ्य असतात. हे कोणंत्याही समाजात सहभाग घेतात. शिवाय सुख-दु:खात अनेकांच्या पाठीशी उभे राहतात. या लोकांचा स्वभाव इतका चांगला असतो की हे त्यांच्या मनातील गोष्ट त्यांना पटकन सांगतात. बुधवारी जन्मलेले लोक प्रेमाच्या बाबतीतही खूप भाग्यवान असतात, ते आपले कुटुंबीय आणि मित्र-मैत्रिणींमध्ये सर्वांचे प्रिय असतात. बुधवारी जन्मलेल्या लोकांमध्ये परिस्थितीनुसार स्वतःला बदलण्याची क्षमता असते. यामुळेच या लोकांची प्रगती कधीच थांबत नाही.
अवगुण
या व्यक्तींना जुन्या गोष्टींचा पटकन कंटाळा येतो. यांना एकच काम फार काळ करता येत नाही. यांच्या स्वभावामध्ये चंचलता असते. बुधवारी जन्मलेले व्यक्ती खूप भावूक तर कधी खूप रागीट असतात. या व्यक्तींना खोटं बोलून इतरांचे मन सहज वळवता येते.
शुभ रंग
बुधवारी जन्मलेल्या व्यक्तींचा शुभ रंग हिरवा आहे.