दिल्लीतील श्रद्धा हत्याकांडसारखी हृदयद्रावक घटना हैदराबादमध्ये समोर आली आहे. येथे एका व्यक्तीने आपल्या लिव्ह इन पार्टनरची हत्या केलीय. प्रेयसीच्या मृतदेहाचे दगड कापण्याच्या यंत्राने तुकडे करून ते तुकडे फ्रीजमध्ये ठेवून वेगवेगळ्या ठिकाणी फेकण्यास सुरुवात केली. आरोपीने पीडितेचे पाय आणि हात घरातील फ्रिजमध्ये ठेवले होते. दुर्गंधी येऊ नये म्हणून तो फ्रीजमध्ये आणि संपूर्ण घरात परफ्यूम मारायचा. 17 मे रोजी हैदराबाद पोलिसांना शहरातील मुसी नदीजवळ एक छिन्नविछिन्न शीर सापडल्याने ही हत्या उघडकीस आली. तपास करत असताना आठवडाभरानंतर पोलीस आरोपींपर्यंत पोहोचले आणि हे धक्कादायक खून प्रकरण उघडकीस आले. हे प्रकरण दिल्लीतील श्रद्धा वालकर आणि निक्की यादव हत्या प्रकरणासारखेच आहे, ज्यामध्ये आरोपी आफताब पुनावाला याने श्रद्धा वालकर हिच्या शरीराचे तुकडे केले होते आणि फ्रीजमध्ये ठेवल्यानंतर ते वेगवेगळ्या ठिकाणी फेकले होते. ( Hyderabad Another Aftab Cut the Live In Partner into pieces and put it in the fridge Like Shraddha Walker case )
दक्षिण-पूर्व विभागाचे डीसीपी रुपेश चेन्नूरी यांनी सांगितले की, पोलिसांनी बी.आर. चंद्र मोहन याला अटक केली आहे. तो शेअर बाजारात ऑनलाइन ट्रेडिंग करतो. बी.आर. चंद्र मोहन हा 55 वर्षांचा आहे. त्याने आपली लिव्ह इन पार्टनर, याराम अनुराधा रेड्डी असून ती ४८ वर्षांची होती.
पोलिसांनी सांगितले की, दोघेही गेल्या 15 वर्षांपासून एकत्र राहत होते. ही महिला पतीपासून फार पूर्वीच विभक्त झाली होती. त्यानंतर ती चंद्रमोहन यांच्यासोबत चैतन्यपुरी कॉलनी, दिलसुखनगर येथील घरी राहत होती.
ही महिला 2018 पासून गरजूंना व्याजावर पैसे देत होती. ऑनलाइन व्यवसाय करण्यासाठी मोहनने तिच्याकडून सुमारे 7 लाख रुपये घेतल्याने त्यांच्यात मतभेद झाले. वारंवार विनंती करूनही तो रक्कम परत करू शकला नाही. महिलेने त्याच्यावर पैशांसाठी दबाव टाकला असता त्याने रागात तिला ठार मारण्याचा कट रचला.
12 मे रोजी आरोपींनी अनुराधासोबत भांडण करून तिच्यावर चाकूने हल्ला केला. त्याने तिच्या छातीवर आणि पोटावर वार करून तिची हत्या केली. खून केल्यानंतर आरोपींनी मृतदेहाचे तुकडे करून त्याची विल्हेवाट लावण्यासाठी लहान दगड कापण्याची मशीन खरेदी केली. धडापासून डोके कापून काळ्या पॉलिथिनच्या आवरणात ठेवले. त्यानंतर त्याने धडापासून पाय आणि हात वेगळे केले. पाय आणि हात रेफ्रिजरेटरमध्ये ठेवले आणि धडाची विल्हेवाट लावण्यासाठी सूटकेसमध्ये ठेवले. 15 मे रोजी आरोपी ऑटोरिक्षात मुशी नदीवर पोहोचला आणि त्याने अनुराधाचे कापलेलं डोकं तिथे फेकलं.
आरोपीने फिनाइल, डेटॉल, अत्तर अगरबत्ती आणि कापूर खरेदी केलं आणि तो अनुराधाच्या शरीरावर नियमितपणे शिंपडत होता. जेणेकरून आजूबाजूच्या परिसरात दुर्गंधी पसरू नये. शरीराच्या अवयवांची विल्हेवाट कशी लावायची याचे व्हिडिओही त्याने सोशल मीडियावर पाहिले आणि त्याप्रमाणे मृतदेहाची विल्हेवाट लावण्यास सुरुवात केली.
पोलिसांनी दिलेल्या माहितीनुसार, तो याराम अनुराधा रेड्डी हिचा मोबाईल वापरत होता. इतरांना मेसेज पाठवत होता, जेणेकरून तिच्या ओळखीच्या लोकांना विश्वास बसेल की ती जिवंत आहे. 17 मे रोजी, स्वच्छता कर्मचार्‍यांना मुशी नदीजवळील अफझल नगर कम्युनिटी हॉलसमोरील कचऱ्याच्या ढिगाऱ्यात एका महिलेचे छिन्नविच्छेदन केलेले शीर सापडले, ज्याची पोलिसांत तक्रार करण्यात आली. मलकपेठ पोलिसांनी गुन्हा दाखल करून या प्रकरणाचा छडा लावण्यासाठी आठ पथके तयार केली.
( हेही वाचा: आई आर्त हाक देत राहिली, डोळ्यादेखत १३ वर्षीय आदित्यला दारणा नदीने आपल्या कवेत घेतले )
सीसीटीव्ही फुटेजचे स्कॅनिंग आणि इतर तांत्रिक उपकरणांचा वापर करून सखोल तपास केल्यानंतर पोलिसांनी आरोपीची ओळख पटवली. आरोपीने आपला गुन्हा मान्य केला. पोलिसांनी पीडितेचे शरीर तिच्या घरातून जप्त केले आणि पोस्टमॉर्टमसाठी पाठवले आहे.