एकनाथ शिंदे गटाची आसामच्या पूरग्रस्तांना 51 लाखांची मदत, ट्विट करून दिली माहिती

बंडखोर एकनाथ शिंदे आपल्या गटातील आमदारांसह आसामच्या गुहाटी येथे एका हॉटेलमध्ये वास्तव्यास आहेत. दरम्यान आसामच्या विविध भागात महापुराने थैमान घातले होते. महापुरामुळे जीवित आणि वित्त हानी मोठ्या प्रमाणात झाली होती. या पाश्वभूमीवर आसाम मधील पूरग्रस्तांना एकनाथ शिंदे यांनी ट्विट करत मदत जाहीर केली आहे.

काय केली घोषणा –

या ट्विटमध्ये आसाम मधील पूरग्रस्त बांधवांच्या मदतीसाठी शिवसेनेचे सर्व आमदार तसेच सहयोगी आमदारांच्या वतीने आसाम मुख्यमंत्री मदत निधीत 51 लाख रुपयांची मदत करण्याचा निर्णय, घेतल्याचे एकनाथ शिंदे यांनी जाहीर केले आहे.