सध्या स्टार प्रवाह वाहिनीवरील ‘ठिपक्यांची रांगोळी’ या मालिकेला अनेक प्रेक्षकांचा प्रतिसाद मिळत आहे. अल्पावधीतच या मालिकेने बऱ्यापैंकी लोकप्रियता मिळवलेली आहे. या मालिकेतील खोडकर, निरागस अपूर्वा आणि शिस्तबद्ध , हुशार शशांक यांची सुंदर केमिस्ट्री दाखवण्यात आली आहे. आता येत्या काळात या कानेटकरांच्या कुटुंबामध्ये नव्या पात्राची एन्ट्री होणार आहे. या नव्या पात्राची भूमिका अभिनेत्रा वीणा जगताप साकारणार आहे.
या नव्या पात्राचे नाव मालिकेत अवंतिका कानेटकर चौधरी असं आहे. अवंतिका ही विनायक कानेटकरांची मुलगी असून तिने प्रेमविवाह केल्यामुळे तिला कानेटकर कुटुंबापासून लांब करण्यात आले होते. लग्नाच्या बऱ्याच वर्षांनंतर अवंतिका कानेटकर पुन्हा आपल्या कुटुंबाशी जोडली जाणार आहे.