राष्ट्रपिता महात्मा गांधी यांच्या १५२ व्या जयंतीनिमित्त, संदीप सिंह यांनी महेश मांजरेकर आणि राज शांडिल्य यांच्यासोबत त्यांच्या आगामी ‘गोडसे’ चित्रपटाची घोषणा केली आहे. महात्मा गांधींच्या हत्येमागे नथुराम गोडसेचा हात होता. ड्रीम गर्लचे दिग्दर्शक राज शांडिल्य यांचे प्रोडक्शन हाऊस, थिंकइंक पिक्चर्ससह हा चित्रपट संदीप सिंगच्या प्रोडक्शन हाऊस लीजेंड ग्लोबल स्टुडिओद्वारे तयार केला जाणार आहे, तर दिग्दर्शक म्हणून महेश मांजरेकर या प्रकल्पाचे मुख्य असून महेश मांजरेकर दिग्दर्शित करत असलेला हा तिसरा चित्रपट आहे. नुकताच महेश मांजरेकर यांनी आपल्या इन्स्टाग्राम अकाऊंटवरून पोस्ट करत याबद्दलची माहिती दिली आहे. त्यानंतर सोशल मीडियावर वेगवेगळ्या प्रकारच्या प्रतिक्रिया येऊ लागल्या आहेत. Mahatma Gandhi 152nd Birth Anniversary
“नथुराम गोडसेची कथा नेहमीच माझ्या हृदयाच्या जवळ आहे. या स्वरूपाच्या चित्रपटाला पाठिंबा देण्यासाठी खूप धैर्य लागते. गांधींवर गोळीबार करणारा माणूस वगळता लोकांना गोडसेबद्दल जास्त माहिती नाही. त्याची कहाणी सांगताना, आम्हाला ना कुणाचे संरक्षण करायचे आहे ना कोणाच्या विरोधात बोलायचे आहे. कोण ते बरोबर की अयोग्य हे आम्ही प्रेक्षकांवर सोडू’. अशा शब्दांत त्यांनी चित्रपटाची घोषणा केली आहे.
निर्मात्यांनी चित्रपटाचे एक टिझर पोस्टर देखील जारी केले आहे. ज्यामध्ये त्यांनी असे लिहिले, ‘हॅपी बर्थडे’ बापू … तुमचा, नथुराम गोडसे. चित्रपटाबद्दल सांगतांना संदीप सिंह म्हणाले, “ही नथुराम गोडसे कथा मला हवी होती मी माझा पहिला चित्रपट केल्यापासून सांगतो. ही एक न ऐकलेली कथा आहे जी सिनेमा प्रेमींसमोर मांडली पाहिजे. महेश, राज आणि माझा हेतू आहे की एक सत्यकथा समोर आणावी आणि अशा प्रकारे वर्तमान पिढीला विसरून गेलेल्या इतिहासातील पात्रांची ही सिनेमात्मक निर्मिती समोर आणावी.