व्हॅलेंटाईन वीकमध्ये सर्वात कपलचा आवडता डे म्हणजे चॉकलेट डे. हा डे ९ फेब्रुवारी रोजी साजरा करण्यात येतो. यादिवशी आपल्या प्रिय व्यक्तीला चॉकलेट देऊन हा दिवस साजरा करतात. त्यामुळे हा दिवस कपलसाठी गोड दिवस म्हणूनही ओळखतात. पण, यादिवशी आपल्या प्रिय व्यक्तीला कोणते चॉकलेट द्यावे, असा अनेकांना प्रश्न पडतो. कारण बऱ्याच जणांना चॉकलेट खाल्ल्याने वजन वाढण्याची भिती वाटते. पण, असे काही चॉकलेट आहेत. ज्यामुळे वजन वाढण्याची भिती तर सोडा उलट फायदाच होईल. चला तर जाणून घेऊया कोणते चॉकलेट द्यावे.
डार्क चॉकलेट
डार्क चॉकलेट हे असे चॉकलेट आहे, ज्यामुळे नुकसान नाही तर फायदाच होतो. चॉकलेटमधील कोको फ्लॅवनॉल वाढत्या वयासंबंधित आजारांना दूर ठेवतात. दररोज हॉट चॉकलेटचे दोन कप सेवन केल्याने मानसिक स्वास्थ चांगले राहते आणि स्मरणशक्तीही देखील वाढते. त्यामुळे डार्क चॉकलेट देणे एक उत्तम पर्याय आहे.
- चॉकलेटचे सेवन केल्याने शरिरातील कोलेस्ट्रॉल कमी होण्यासाठी मदत होते. त्यामुळे नेहमी चॉकलेट खाणे फायदेशीर ठरते. त्याचप्रमाणे चॉकलेटच्या सेवनाने हृदयरोगाचीही शक्यता कमी होते.
- डार्क चॉकलेटचे सेवन करावे. यामुळे थकवा दूर होतो.
- चॉकलेटमध्ये वापरण्यात येणाऱ्या कोको पावडरमध्ये अँटिऑक्सिडंटस असतात. त्यामुळे डार्क चॉकलेट खाल्ल्याने तणाव दूर होतो.
- चॉकलेटमध्ये असलेल्या अँटिऑक्सिडंटसमुळे त्वचेवर दिसणाऱ्या वाढत्या वयाची लक्षणे आणि सुरकुत्या कमी होतात. त्यामुळे दररोज एक चॉकलेट खाल्यामुळे तरुण दिसण्यास मदत होते.
- दररोज दोन कप हॉट चॉकलेट ड्रिंक प्यायल्याने मेंदू निरोगी राहतो. तसेच स्मरणशक्ती तल्लख होण्यास मदत होते. चॉकलेटमुळे मेंदूतील रक्तस्त्राव सुरळीत राहतो.
हेही वाचा – Happy Propose Day 2021 : ‘या’ पद्धतीने Propose केल्यास नक्कीच मिळेल होकार