अनेक जणांना भात खाण्याची भीती असते. कारण भात खाल्याने वजन वाढण्याची भीती असते. परंतु, हाच भात आरोग्यास देखील तितकाच लाभदायक आहे. त्यामध्ये जर शिळा भात खात असाल तर अति उत्तम. कारण शिळा भात हा आरोग्यास लाभदायी आहे. जाणून घेऊया शिळा भात खाण्याचे आरोग्यदायी फायदे.
शरीराचे तापमान नियंत्रित राहते
शिळा भात खाल्याने शरीर थंड राहते. त्यामुळे रोज जर शिळा भात खाल्ला तर तुमच्या शरीराचे तापमान देखील नियंत्रणात राहण्यास मदत होते.
बद्धकोष्टतेची तक्रार दूर होते
भातात भरपूर प्रमाणात फाइबर्सचे प्रमाण असते. त्यामुळे शिळा भात खाल्ल्यास त्याचा अधिक फायदा होतो आणि बद्धकोष्टतेची तक्रार दूर होते.
चहा, कॉफी पिण्याची सवय मोडेल
बऱ्याच जणांना चहा आणि कॉफीचे सेवन करायची सवय असते. ही सवय सोडण्यासाठी अनेक प्रयत्न देखील केले जाता. मात्र, तरी देखील सवय मोडत नाही. अशावेळी जर तुम्ही सकाळी भाताचे सेवन केल्यास तुमची ही सवय मोडण्यास मदत होते.
ताजेतवाने रहाल
शिळा भात तुम्हाला ताजेतवाने ठेवण्यास मदत करतो. यामुळे दिवसभर काम करण्याची ऊर्जा देखील मिळण्यास मदत होते.
अल्सरची समस्या होईल दूर
तुम्हाला जर अल्सरचा त्रास असेल तर आठवड्यातून तीनवेळा शिळ्या भाताचे सेवन करावे. यामुळे तुमची अल्सरची समस्या दूर होण्यास मदत होईल.