नेहमी नेहमी डब्यात पोळी भाजी पाहून मुले कंटाळतात. त्यामुळे अनेकदा मुले भरलेला डबा तसाच घरी परत आणतात. त्यामुळे पालकांना आज डब्यात काय द्यायचे असा प्रश्न पडतो. पालकांनाही उपयुक्त ठरतील व मुलंही आवडीने डबा खातील, अशा काही टिप्स खास पालकांसाठी.
*मोड आलेल्या कडधान्यांची भाजी न करता, त्याची उसळ बनवावी व ती डब्यात द्यावी.
*मुळा, बीट यासारख्या भाज्यांचा पाला बनवून डाळीसह भाजी बनवून द्यावी.
*शेंगदाणे, लसूण, खोबरे व डाळींची चटणी पोळी भाजी बरोबर द्यावी.
*लहान मुले विशिष्ट प्रकारची भाजी खाताना नाक मुरडतात. त्यामुळे अशा भाज्यांचा खुसखुशीत पराठा तसेच पुरी बनवून, ती डब्यात द्यावी.
*गोड पदार्थ लहान मुलांना खूप आवडतात. तेव्हा पोळीबरोबर तूप, गूळ किंवा शेंगदाण्याचा लाडू, चिक्की सारखे गोड पदार्थ डब्यात देता येतील.
*आठवड्यातून एकदा इडली, डोसा सारखे पदार्थही नक्की द्यावे.
*विविध प्रकारच्या धान्यांची पीठे एकत्र करून त्यापासून वेगळा पदार्थ बनवून तो डब्यात दिल्यास लहान मुले असे पदार्थ आवडीने खातात.
*सर्वात महत्त्वाचे रोज एक फळ डब्यात जरूर द्यावे. केळ, सफरचंद, पेरू, चिकू सारखी फळे सहज उपलब्ध असतात.