नाशिकरोड रेल्वे स्थानकातून शुक्रवारी (दि.१५) रात्री सव्वा आठच्या सुमारास उत्तरप्रदेशातील लखनौ कडे १ हजार ५९८ परप्रांतियांना घेऊन रेल्वे रवाना झाली आहे.
लॉकडाऊनमुळे नाशिक शहरात अडकलेल्या परप्रांतीयांना उत्तर प्रदेश व मध्य प्रदेशात सोडविण्यासाठी आत्तापर्यंत चार रेल्वे सोडण्यात आल्या आहेत. आज लखनौ येथे जाणार्या गाडीत १ हजार ५९८ प्रवाशांना जिल्हा प्रशासनाकडून तिकीट काढून बसवून देण्यात आले. यापैकी ७५ मुले ५ वर्षाच्या आतील असल्याने त्यांना कोणतेही तिकीट आकारले नसल्याचे रेल्वे प्रशासनाने सांगितले. प्रशासनाने ८ लाख ८३ हजार ३४० रुपयांचा डीडी जमा केल्यानंतर १ हजार ५२३ प्रवाशांची तिकीटे काढण्यात आली होती. पहिली रेल्वे भोपाळ (म.प्र), दुसरी लखनौ (उ.प्र), तिसरी रेवा (म.प्र), चौथी रेल्वे लखनौ (उ.प्र) मधून हजारो प्रवाशी रवाना करण्यात आले आहेत.