उत्तर प्रदेशातील लखीमपूर येथे झालेल्या घटनेचा निषेध करण्यासाठी महाविकास आघाडी सरकारच्या वतीने आज महाराष्ट्र बंदची हाक देण्यात आली आहे. या बंदला राहाता शहरात शंभर टक्के व तालुक्यात संमिश्र प्रतिसाद मिळाला.
यावेळी एकनाथ गोंदकर, राजेंद्र पठारे, धनंजय गाडेकर, नंदकुमार सदाफळ, मोहन सदाफळ, शशिकांत लोळगे, विजय मोगले, मुन्ना फिटर, दिपक सोळंकी, एल एम डांगे, लताताई पारधे, दशरथ गव्हाणे, समीर करमासे, राजेंद्र अग्रवाल, अमोल आरणे, प्रसाद महाले, नितीन सदाफळ आदींसह महाविकास आघाडीचे पदाधिकारी, कार्यकर्ते व शेतकरी मोठ्या संख्येने उपस्थित होते.
शिर्डीत बंद नाही
शिर्डीत साई दर्शनासाठी देश विदेशातून साई भक्त येत असतात. साई भक्तांची गैरसोय टाळण्यासाठी शिर्डीत कुठल्याही राजकीय पक्षांनी बंद पाळायचा नाही असा निर्णय सर्व ग्रामस्थांनी अनेक वर्षांपूर्वी घेतलेला आहे. त्यामुळे महाराष्ट्र बंदची हाक दिलेली असतानाही शिर्डीत या बंदचा कुठलाही परिणाम दिसला नाही. शिर्डीत सर्व व्यवहार सुरळीतपणे सुरू होते.