शिंदे गटाकडून आचारसंहितेचा भंग? महापौर निवासाचा गैरवापर; राष्ट्रवादीकडून तक्रार

Violation of code of conduct in Thane | ठाणे –  ठाणे महानगर पालिकेच्या मालकीच्या महापौर निवासाचा वापर कोकण विभाग शिक्षक मतदारसंघातील भाजप उमेदवार ज्ञानेश्वर म्हात्रे यांच्या निवडणूक नियोजनाच्या बैठका घेण्यासाठी केला जात आहे. अशा आशयाची तक्रार राष्ट्रवादी काँग्रेसचे ठाणे शहराध्यक्ष आनंद परांजपे यांनी कोकण आयुक्तांकडे केली आहे. या प्रकरणी चौकशी करून संबधितांवर गुन्हे दाखल करावेत, अशी मागणी देखील त्यांनी केली आहे. (Misuse of mayor bungalow in thane by Shinde group)

हेही वाचा – मुलुंड, ठाणेकरांनो पाणी उकळून प्या; पालिका प्रशासनाचे आवाहन

आनंद परांजपे यांनी दिलेल्या निवेदनानुसार, कोकण विभाग शिक्षक मतदारसंघासाठी येत्या 30 जानेवारी रोजी मतदान घेण्यात येणार आहे. त्याकरिता संबंध कोकण प्रांतात आदर्श आचारसंहिता लागू करण्यात आलेली आहे. मात्र, या आचारसंहिता काळात ठाणे शहरात आचारसंहितेचा भंग केला जात आहे.

हेही वाचा – ठाणे शहराला मिळणार लवकरच नवीन ओळख