शरीराच्या प्रत्येक कोपऱ्यात ऑक्सिजन पोहोचवण्याचे काम नसा म्हणजेच शिरा करतात. मात्र जेव्हा त्यांच्यामध्ये अडथळा येतो तेव्हा रक्ताभिसरण नीट होत नाही. परिणामी खराब रक्ताभिसरणामुळे काही समस्या निर्माण होऊ शकतात. याशिवाय पाय दुखणे हे शिरा मध्ये अडथळे येण्याचे लक्षण देखील असू शकते, परंतु वेदना व्यतिरिक्त, पायातील शिरा कमकुवत झाल्यामुळेही पाय दुखतात.
गुडघ्याभोवती सूज येणे
नसा ब्लॉक झाल्याने रक्ताभिसरणावर परिणाम होतो. त्यामुळे तुमचे गुडघे आणि त्यांच्या आजूबाजूच्या भागाला सूज येऊ लागते. काही लोकांच्या संपूर्ण पायात सूज देखील असू शकते.
थंड पाय
पायांच्या नसांमध्ये अडथळा निर्माण झाल्यास पाय आणि तळवे देखील थंड होतात. ही समस्या कोणत्याही ऋतूत उद्भवू शकते.
निळ्या शिरा
जेव्हा रक्ताभिसरण नीट होत नाही तेव्हा नसाही खराब होऊ लागतात. त्यामुळे नसांचा रंग काळा किंवा निळा होऊ लागतो.
वेदना जाणवणे
ब्लॉक नसांमुळे, दुखऱ्या भागाला स्पर्श केला तरीही आपल्या पायांमध्ये कडकपणा आणि तीव्र वेदना जाणवू शकतात.
ही आहेत कारणे
नसांमध्ये रक्ताभिसरण नीट न झाल्याने पायातील नसा बंद होतात. या अवस्थेत शिरांमध्ये दाब निर्माण होऊ लागतो आणि दबाव वाढल्याने शिरांना खूप नुकसान होते. त्यामुळे पाय दुखणे आणि इतर समस्या सुरू होतात.
कोलेस्टेरॉलचे प्रमाण वाढल्यामुळे पायातील नसाही बंद होऊ शकतात.
झोपेच्या कमतरतेमुळे ही समस्या दिसू शकते.
मधुमेह किंवा उच्च रक्तदाबामुळे पायातील शिरा बंद होऊ लागतात.
धूम्रपान आणि तंबाखूचे सेवन केले तरी पायांच्या नसांमध्ये अडथळा निर्माण होतो.