पनवेल : पनवेल महापालिकेच्या हद्दीतील रस्त्यांवर वाहनांच्या वर्दळीमुळे उडणारी धूळ शमविण्यासाठी दोन धूळ शमन वाहने (मल्टिपर्पज डस्ट सप्रेसशन व्हेइकल्स) पालिकेच्या ताफ्यात दाखल झाली आहेत. शहरातील धुळीचे प्रमाण थोपविणे आणि हवेची गुणवत्ता सुधारण्याचे महत्वपूर्ण काम या दोन्ही वाहनांच्या माध्यमातून केले जाणार आहे. या दोन्ही वाहनांचा प्रात्यक्षिकातून आढावा आयुक्त डॉ. प्रशांत रसाळ यांनी नुकताच घेतला.(panvel city pollution control MISSION)
यावेळी उपायुक्त डॉ.वैभव विधाते, मुख्य वैद्यकिय आरोग्य अधिकारी डॉ.आनंद गोसावी, घनकचरा व आरोग्य विभाग प्रमुख अनिल कोकरे, वाहन विभाग प्रमुख राजेश डोंगरे स्वच्छता निरीक्षक, अधिकारी व कर्मचारी उपस्थित होते.
पर्यावरणाचे भान जपण्यासाठी महापालिका ‘माझी वसुंधरा‘ संकल्पने अंतर्गत विविध कार्यक्रम राबवत आहे.
हेही वाचा… Bhayander News: सूर्या प्रकल्पाचे पाणी मे ऐवजी नोव्हेंबर महिन्यात मिळणार
या कार्यक्रमाच्या जोडीला महापालिकेने नुकतीच दोन अत्याधुनिक बहुउद्देशीय स्प्रेअर आणि डस्ट सप्रेशन व्हेइकल्स् धूळ शमन वाहने खरेदी केली आहेत.या वाहनामध्ये फवारणी आणि साफसफाईच्या उद्देशाने ६००० लीटरची पाण्याची टाकी, एअर कर्टनवर आधारित वॉटर मिस्ट सप्रेशन सिस्टीम, फ्रंट आणि रिअर रोड फ्लशिंग सिस्टीम, ग्रीन बेल्ट गार्डनिंग क्लिनिंग सिस्टीम, आणि उंच झाडांवरील धूळ साफ करण्याच्या दृष्टीने वैशिष्ट्य पूर्ण यंत्रणा आहे. ही वाहने दररोज अंदाजे ८० किलोमीटरचा प्रवास करुन शहराचा विस्तृत परिसरातील केवळ धूळ कमी करत नाही तर रस्ता आणि दुभाजकांमधील हरित पट्टा स्वच्छ करण्यासही मदत करत आहेत.
हेही वाचा… सरकारी तिजोरीत 330 कोटी 28 लाख
- वाढते बांधकाम क्रियाकलाप आणि वाहनांची वाहतूक त्यामुळे हवेमध्ये धूलिकणांचे प्रमाण वाढून हवेची गुणवत्ता खराब करतात. यामुळे लहान मुले, वृद्ध आणि श्वसनाची समस्या असलेल्या व्यक्तींच्या आरोग्यासही धोका निर्माण होते. याकरीता उपाय योजना म्हणून महापालिकने धूळीचा प्रभाव कमी करणारे बहुउद्देशीय स्प्रेअर आणि डस्ट सप्रेशन व्हेईकल खरेदी केली आहेत.
- वाढत्या औद्योगिकीकरणाने दिवसेंदिवस वाढणारी धूळ कमी करण्यासाठी ही वाहने पनवेल महापालिका कार्यक्षेत्रात महत्त्वपूर्ण भूमिका बजावणार आहेत. ही वाहने हवेच्या गुणवत्तेमध्ये सुधारणा करून पनवेलच्या रहिवाशांसाठी संपूर्ण स्वच्छता, सुरक्षितत वातावरण देण्यासाठी प्रयत्न करणार आहेत.