मुख्यमंत्री शिंदेंनी आंगणेवाडीच्या भराडी देवीला घातलं साकडं
sushma rane
सिंधुदुर्ग जिल्ह्यातील मालवण तालुक्यातील आंगणेवाडीच्या भराडी देवीच्या यात्रेला आजपासून सुरुवात झाली आहे.
या यात्रेनिमित्त पहिल्याच दिवशी राज्याचे मुख्यमंत्री एकनाथ शिंदे देवीच्या दर्शनासाठी हजर झाले आहेत.
यावेळी मुख्यमंत्री एकनाथ शिंदे यांनी देवीकडे देशावर आणि राज्यावरचं अरिष्ट दूर कर. बळीराजाला समृद्ध कर. सर्वसामान्यांना सुखी समाधानी ठेव असं साकडं घातलं आहे.
यावेळी त्यांच्यासोबत केंद्रीय मंत्री नारायण राणे, उद्योगमंत्री उदय सामंत, शिक्षणमंत्री दीपक केसरकर, खासदार श्रीकांत शिंदे, आमदार नितेश राणे उपस्थित होते.
हे सरकार सामान्य जनतेचे आहे. या सरकारच्या स्थैर्यासाठी आपण भराडी देवीला साकडे घातले असून हे सरकार आपला कार्यकाल पूर्ण करेल असा आशावाद मुख्यमंत्र्यांनी व्यक्त करत आंगणे कुटुंबियांनी भाविकांची काळजी घेतल्याबद्दल समाधान व्यक्त केले
यावेळी आंगणेवाडी विकास मंडळाचे अध्यक्ष भास्कर आंगणे यांचा भगवी शाल आणि रोप देवून मुख्यमंत्री महोदयांच्या हस्ते सत्कार करण्यात आला.
