नव्या वेज कोडचा थेट पगारावर होणार परिणाम, जाणून घ्या 5 महत्त्वाच्या गोष्टी
Vaibhav Desai
देशात मजूर आणि सामाजिक सुरक्षेशी निगडीत असलेले चार लेबर कोड पुढच्या वर्षी लागू होण्याची शक्यता आहे. त्यात कर्मचाऱ्यांचे काम करण्याची पद्धत आणि पगाराचं स्वरूप बदलणार आहे. नव्या नियमानुसार आपल्याला दररोज दिवसाचे 12 तास काम करावे लागू शकते. चांगली गोष्ट म्हणजे तुम्हाला आठवड्यातून फक्त 48 तास काम करावे लागते. अशा प्रकारे तुम्हाला आठवड्यातून तीन दिवस सुट्टी मिळू शकते. जर एखादी व्यक्ती दिवसाचे 8 तास काम करत असेल तर त्याला आठवड्यातून 6 दिवस काम करावे लागेल.
नवीन वेतन संहिता कायदा 2019 नुसार, कर्मचाऱ्याचा मूळ पगार कंपनीच्या (CTC) खर्चाच्या 50% पेक्षा कमी असू शकत नाही. सध्या अनेक कंपन्या मूळ पगार कमी करतात आणि वरून जास्त भत्ते देतात, त्यामुळे कंपनीवरचा बोजा कमी होतो. नवीन वेतन संहिता लागू झाल्यानंतर कर्मचाऱ्यांची पगार रचना पूर्णपणे बदलणार आहे. कर्मचाऱ्यांचा ‘टेक होम सॅलरी’ कमी होईल, कारण बेसिक पे वाढल्याने कर्मचाऱ्यांचा पीएफ अधिक कापला जाईल, म्हणजेच त्यांचे भविष्य अधिक सुरक्षित होईल. भविष्य निर्वाह निधीसोबत ग्रॅच्युइटीचे योगदानही वाढेल. टेक होम पगार नक्कीच कमी होईल पण कर्मचाऱ्याला निवृत्तीनंतर जास्त रक्कम मिळेल. असंघटित क्षेत्रातील कर्मचाऱ्यांनाही नवीन वेतन संहिता २०२१ लागू होईल. पगार आणि बोनसशी संबंधित नियम बदलतील आणि प्रत्येक उद्योग आणि क्षेत्रात काम करणाऱ्या कर्मचाऱ्यांच्या पगारात समानता असेल.
