स्टेडियमबाहेर हेलीकॉप्टर दुर्घटना; संघ मालकाचा मृत्यू

या हेलीकॉप्टर अपघातात ५ जणांचा मृत्यू झाला. श्रीवधनप्रभा यांच्यासोबत त्यांचे दोन कर्मचारी तसेच हेलीकॉप्टरचे पायलट आणि सहायक पायलट यांचाही मृत्यू झाला. शनिवारी लेस्टर आणि वेस्टहॅमचा सामना संपल्यानंतर श्रीवधनप्रभा लंडनला जाण्यासाठी निघाले. ते स्वतःच्या हेलीकॉप्टरमधूनच निघाले होते. हे हेलीकॉप्टर लेस्टरच्या किंग पॉवर स्टेडियमबाहेर कसेबसे निघाले. पण बाहेर निघताच ते गोल फिरू लागले आणि त्याचा अपघात झाला. या हेलीकॉप्टरचा स्फोट झाला. ज्याची आग वीजवायला २० मिनटांहूनही अधिक वेळ लागला.

थायलंडचे व्यवसायी विचाई श्रीवधनप्रभा यांनी २०१० मध्ये लेस्टर सिटी हा इंग्लंडमधील व्यावसायिक फुटबॉल संघ विकत घेतला होता. त्यावेळी हा संघ फारसा नावाजलेला किंवा फार मोठा संघ नव्हता. पण श्रीवधनप्रभा यांच्या नेतृत्वाखाली या संघाने दरवर्षी प्रगती केली आणि कोणालाही अपेक्षा नसताना या संघाने २०१५-१६ मोसमात इंग्लिश प्रीमियर लीग जिंकण्याचा पराक्रम केला. त्यामुळे श्रीवधनप्रभा यांनी काहीही अशक्य नाही हे जगाला दाखवून दिले होते.