द मरून किक बॉक्सिंग अकॅडमी च्या १३ खेळाडूंनी मुंबई उपनगर जिल्हा चॅम्पियन शिप २०२१ च्या स्पर्धेत दमदार कामगिरी करत २६ पदकांची कमाई केली आहे. खेळाडूंना राष्ट्रीय पातळीवर नावाजलेले खेळाडू व प्रशिक्षण श्री.गणेश यादव यांचे मार्गदर्शन लाभले. सदर स्पर्धा श्री.प्रशांत मोहिते व श्री सुरेश खंदारे यांनी यशस्वीरीत्या आयोजित केल्या होत्या.
या स्पर्धा १० ते १७ ऑक्टोबर या कालावधीत संपन्न झाल्या. सर्व विजेते स्पर्धक गोरेगाव व मालाड या भागातील रहिवासी आहेत. या १३ स्पर्धकांनी पॉईंट फाईट व लाईट कॉन्टॅक्ट फाईट या क्रीडा प्रकारात एकूण १२ सुवर्ण, ७ रौप्य व ७ कांस्य पदकांची कमाई केली. सर्व विजेत्या खेळाडूंनी सपोर्ट स्टाफ श्री.रोहित मिश्रा यांनी स्पर्धेची तयारी व प्रत्यक्ष स्पर्धेवेळी दिलेल्या प्रोत्साहन आणि प्रेरणा याकरता ऋण व्यक्त केले.
यावेळी बोलताना प्रशिक्षक गणेश यादव म्हणाले, “आमच्या टीमने या स्पर्धेत धाडस, समर्पण व खिलाडूवृत्ती यांचे दर्शन घडविले. सर्व विजेते खेळाडू हे विद्यार्थी व पूर्णवेळ नोकरी करणारे आहेत, यातून हे स्पष्ट होते की खेळात यशस्वी होण्यासाठी पूर्णवेळ खेळाडू असण्याची आवश्यकता नाही. लोकांनी खेळाकडे फक्त खेळ म्हणून न पाहता एक जीवन पध्दती म्हणून पाहिले पाहिजे.