हिंदू धर्मात जन्मलेल्या बाळाच्या कुंडलीवरुन त्याचे नाव निश्चित केले जाते. व्यक्तीच्या नावाचा प्रभाव त्याच्या स्वभाव आणि करिअरवर देखील होतो. ज्योतिष शास्त्रानुसार, तुम्ही व्यक्तीच्या नावाच्या पहिल्या अक्षरावरुन एखाद्याबद्दल सहज जाणून घेऊ शकता. आज आम्ही तुम्हाला ‘अ’ किंवा ‘A’ नावावरुन नाव असणाऱ्या व्यक्तीबद्दल सांगणार आहोत.
आपल्या मनाप्रमाणे जगतात ‘हे’ व्यक्ती
ज्या व्यक्तींच्या नावाची सुरुवात ‘अ’ किंवा ‘A’वरुन होते. त्या व्यक्तींची रास मेष रास असते. मेष राशीचा स्वामी ग्रह मंगळ आहे. ज्यामुळे या व्यक्तींमध्ये मंगळ ग्रहाप्रमाणे उत्साह दिसून येतो. हे व्यक्ती वेगवान, आशावादी आणि आत्मकेंद्रित असतात तसेच ते निर्भय आणि धैर्यवान देखील असतात. या लोकांना आपलं आयुष्य नेहमी त्यांच्या मनाप्रमाणे जगायला आवडतं. असे लोक आपल्या विचारसरणीशी तडजोड करत नाहीत.
हे व्यक्ती काही प्रमाणात गर्विष्ठ असतात. हे अनेकदा इतरांच्या भावना आणि मतांबद्दल थोडेसे असंवेदनशील असतात. त्यांचा हट्टी स्वभाव त्यांचा अवगुण मानला जातो. यांना हातात घेतलेल्या गोष्टी मध्येच सोडण्याची सवय असते.’अ’ किंवा ‘A’अक्षर वाल्यांना गोड-गोड बोलणारे लोक आवडत नाहीत. त्यांना नेहमी खरं बोलणारे लोक आवडतात.
‘अ’ किंवा ‘A’नावाच्या लोकांना इतरांवर नियंत्रण ठेवायला आवडते, त्यामुळे त्यांच्यातही चांगली नेतृत्व गुणवत्ता असते.