जगातील सर्वात शक्तिशाली लढाऊ विमानांपैकी एक राफेल विमान आहे. आज पाच राफेल फायटर विमानांचे लँडिग भारतामध्ये झाले आहे. सोमवारी फ्रान्समधून उड्डाण घेतल्यानंतर आज राफेलची पाच विमाने अंबाला एअर बेसवर सुरक्षित उतरली आहेत. याच पार्श्वभूमीवर पंतप्रधान नरेंद्र मोदी यांनी ट्विट करून राफेलच्या विमानांचे स्वागत केले आहे. विशेष म्हणजे मोदींनी संस्कृत श्लोक ट्विट करत राफेल विमानांचे स्वागत केले आहे.
पंतप्रधान नरेंद्र मोदींनी ट्विटमध्ये लिहिले आहे की, ‘राष्ट्ररक्षासमं पुण्यं, राष्ट्ररक्षासमं व्रतम्, राष्ट्ररक्षासमं यज्ञो, दृष्टो नैव च नैव च।। नभः स्पृशं दीप्तम् स्वागतम्!’
राष्ट्ररक्षासमं पुण्यं,
राष्ट्ररक्षासमं व्रतम्,
राष्ट्ररक्षासमं यज्ञो,
दृष्टो नैव च नैव च।।
नभः स्पृशं दीप्तम्…
स्वागतम्! #RafaleInIndia pic.twitter.com/lSrNoJYqZO— Narendra Modi (@narendramodi) July 29, 2020
बऱ्याच काळापासून राफेल विमानांची चर्चा होती. या शक्तिशाली लढाऊ विमानांमुळे भारतीय हवाई दलात बळ कैक पटीने वाढले आहे. फ्रान्सबरोबर ३६ राफेल विमाने खरेदी करण्याचा करार २०१६ साली नरेंद्र मोदी सरकारच्या पहिला कार्यकाळात झाला होता. त्यानंतर काँग्रेसने २०१९च्या लोकसभा निवडणुकीच्या आधी राफेल खरेदीच्या मुद्द्यावरून भाजपाला कोंडीत पकडण्याचा प्रयत्न केला. राफेलच्या व्यवहारामध्ये भ्रष्टाचार करण्यात आल्याचा आरोप काँग्रेसने भाजप सरकारवर केला होता. हे प्रकरण सुप्रीम कोर्टात गेले होते. पण सुप्रीम कोर्टाकडून याप्रकरणी सरकारला क्लीन चीट मिळाले.
आज या राफेल विमानांचे आगमन झाल्यानंतर काँग्रेसने देखील स्वागत केले आहे. शिवाय हवाई दलाच्या जवानांचे अभिनंदन केले असून सरकारला काही प्रश्न विचारण्याचे देशवासीयांना आवाहन देखील केले आहे.
रॉफेल का भारत में स्वागत!
वायुसेना के जाबाँज लड़ाकुओं को बधाई।आज हर देशभक्त ये ज़रूर पूछे-:
1. ₹526 करोड़ का एक रॉफेल अब ₹1670 करोड़ में क्यों?2. 126 रॉफेल की बजाय 36 ही क्यों?
3. मेक इन इंडिया की बजाय मेक इन फ़्रान्स क्यों?
4. 5 साल की देरी क्यों?https://t.co/DZ8LxU8cBG
— Randeep Singh Surjewala (@rssurjewala) July 29, 2020
हेही वाचा – Rafale Fighter Jet : ‘राफेलमुळे हवाई दलाची ताकद वाढेल पण ती गेमचेंजर ठरणार नाही’