कलर्स वाहिनीवरील लोकप्रिय शो बिग बॉस सीझन १४ सध्या कॅप्टन्सी टास्कमुळे चांगलाच चर्चेत आला आहे. कॅप्टन्सीमुळे बिग बॉसच्या घरात गोंधळ सुरू आहे. पण आता बिग बॉसच्या घरात मिर्झापूर मधील मुन्ना भैया म्हणजे अभिनेता दिव्येंदु शर्मा आणि निर्माती, दिग्दर्शिका एकता कपूर प्रवेश करणार आहे. हे दोघे बिग बॉस सदस्य म्हणून घरात येत नसून ते एका टीव्ही सीरिजच्या प्रमोशनसाठी येत आहेत.
‘बिच्छु का खेल’ ही सीरिज १८ नोव्हेंबरला आल्ट बालाजीवर प्रदर्शित झाली आहे. आता या सीरिजचे प्रमोशन करण्यात एकता सलमान खानच्या शोमध्ये येणार आहे. या सीरिजमध्ये दिव्येंदु व्यतिरिक्त अंशुल चौहान, जीशान क्वादरी, सत्यजीत शर्मा, राजेश शर्मा, गगन आनंदर आणि अभिनव आनंद दिसणार आहेत.
दरम्यान ३ ऑक्टोबर २०२० पासून बिग बॉस नव्या सीझनला सुरुवात झाली. दरवर्षीप्रमाणे याही वर्षी सदस्यांमधील प्रेम आणि भांडणं चाहत्यांचे मनोरंजन करत आहेत आणि चर्चेत आले आहेत.
हेही वाचा – सलमान कोरोना निगेटिव्ह, आता पुन्हा एकदा बिग बॉसचा होस्ट