७ वर्षांनंतर ‘पवित्र रिश्ता’ आणि दिवंगत अभिनेता सुशांत सिंह राजपूतच्या चाहत्यांची अखेर प्रतिक्षा संपली आहे. मुंबईत ‘पवित्र रिश्ता’ मालिकेच्या दुसऱ्या सीझनच्या शूटिंग रविवारपासून सुरुवात झाली आहे. यामधील सर्व पात्रांची घोषणा केली आहे. यावर्षी एकता कपूर ही मालिका डिजिटल प्लेटफॉर्मसाठी आणत आहे. ज्यामध्ये मानवच्या भूमिकेत सुशांतच्या जागी अभिनेता शहीर शेख दिसणार आहे आणि अभिनेत्री अंकिता लोखंडे पुन्हा एकदा अर्चनाची भूमिका निभावताना दिसणार आहे.
अल्ट बालाजीच्या ऑफिशिअल इन्स्टाग्राम पेजवर रविवारी शूटिंगच्या पहिल्या दिवसाचे काही फोटो शेअर केले आहेत. या फोटोमध्ये शहीर शेख अंकिता लोखंडेसोबत हातात क्लॅपबोर्ड घेऊन पोझ देताना दिसत आहे. तर दुसऱ्या फोटोमध्ये ज्येष्ठ अभिनेत्री उषा नाडकर्णीसोबत शहीर शेखसोबत दिसत आहे. हे फोटो शेअर करताना कॅप्शनमध्ये लिहिले आहे की, ‘कधी कधी आपल्या सामान्य जीवनात, आपल्याला सर्वात विलक्षण प्रेम कथ आढळतात. मानव आणि अर्चनाच्या विलक्षण प्रेम कथेचा साक्षी ‘पवित्र रिश्ता’च्या शूटिंगला सुरुवात होतेय. लवकरच अल्ट बालाजी स्ट्रीमिंग करेल.’
हेही वाचा – ‘विक्रम वेधा’च्या हिंदी रिमेकमध्ये हृतिक रोशनचा जोडीदार असणार ‘हा’ अभिनेता