ज्योतिष शास्त्रात प्रत्येक ग्रहाचे आपले वेगळे महत्त्व आहे. ज्योतिष शास्त्रात मंगळ ग्रहाला धैर्य आणि शौर्याचा कारक मानला जातो. मंगळ 10 मे रोजी कर्क राशीत प्रवेश करणार असून तो 1 जुलैपर्यंत येथे राहील. त्यानंतर तो सिंह राशीत प्रवेश करेल. या काळात 4 राशीच्या लोकांसाठी येणारे 82 दिवस खूप शुभ असणार आहेत.
मंगळ ग्रहाच्या राशीपरिवर्तनाचा ‘या’ राशींना होणार फायदा
- वृषभ
वृषभ राशीच्या लोकांसाठी मंगळ ग्रहाचे राशीपरिवर्तन अनुकूल राहील. या काळात तुमची पद आणि प्रतिष्ठा वाढेल. या काळात विरोधक तुमच्यावर वर्चस्व गाजवू शकतात परंतु तुम्ही त्यांना या काळात पराभूत करू शकाल. या काळात तुम्हाला आनंदमयी प्रवास घडतील.
- कन्या
कर्क राशीतील मंगळाचे राशीपरिवर्तन तुमच्या आर्थिक स्थितीवर परिणाम करेल. या काळात तुम्ही जी काही योजना कराल, त्या सर्व यशस्वी होतील. या काळात व्यवसायात भरपूर फायदा होईल. खर्चावर नियंत्रण मिळवाल. याकाळात जीवनसाथीसोबत चांगले संबंध राहतील.
- धनु
मंगळाचे राशीपरिवर्तन धनु राशीच्या लोकांना आर्थिक लाभ देणारे ठरेल. या काळात अडकलेले पैसे परत मिळण्याची शक्यता आहे. कुटुंबात आनंदमय वातावरण असेल.
- मीन
कर्क राशीतील मंगळाचे राशीवर्तन मीन राशीच्या लोकांना आर्थिक फायदा देणारे असेल. याकाळात उत्पन्नात वाढ होण्याची शक्यता आहे. घरातील कोणतेही शुभ कार्य होऊ शकते.