सध्याच्या बदलत्या तापमानामुळे सर्दी, खोकला, ताप अशा अनेक समस्या उद्भवत आहेत. त्यामुळे अशा दिवसात आपली रोगप्रतिकार शक्ती कशी वाढवली पाहिजे. याच्या काही टीप्स आम्ही तुम्हाला सांगणार आहोत.
- रोगप्रतिकारशक्ती वाढवण्यासाठी antioxidant, व्हिटॅमिन आणि मिनरलयुक्त पदार्थांचा सामावेश करायला हवा.
- नियमित आपल्या आहारात फळे, पालेभाज्या आणि ड्रायफ्रुट्सचा समावेश करायला हवा.
- रोज सकाळी उठल्यानंतर एक ग्लास कोमट पाण्यात लिंबाचा रस आणि मध घालून घेतल्याने अनेक आजारांपासून आपले रक्षण होते.
- आपल्या आहारात गाजर, रताळी आणि बीट याचे सेवन करावे. यामुळे आजार दूर राहण्यास मदत होते आणि प्रतिकारशक्ती देखील वाढते.
- रावस, बांगडा सारख्या माशांमध्ये ओमेगा थ्री फेटी acidचे प्रमाण अधिक असल्याने अशा माशांचा आपल्या आहारात समावेश करावा, यामुळे आपली रोगप्रतिकारशक्ती वाढण्यास मदत होईल.
- भाज्यांचे सूप, आले, तुळशीचा चहा यांचा आपल्या आहारात समावेश करायला हवा. त्यासोबतच कांदा, हळद, लसूण यांचा समावेश आहारात केल्याने संसर्गाचे प्रमाण कमी होते.
- आपली पचनशक्ती वाढवण्यासाठी प्रोबायोटिक पदार्थांचा समावेश करायला हवा.
- दररोज दही, इडली, डोसा यांचा समावेश आपल्या आहारात करावा. रोज अर्धी वाटी दही खाल्ल्याने पचनशक्ती वाढून पचनासंबंधीत आजार बरे होतात.
- दिवसभरात जास्तीत जास्त गरम पाणी प्यावे. पाण्यात लिंबाचे तुकडे टाकून ठेवलेले पाणी प्यायल्याने अशक्यतपणा कमी होतो.
- सकाळी हवेमध्ये धूळ आणि प्रदूषणाचे प्रमाण अधिक असल्याने थोडे उशिरा चालायला जावे.