कोरोना व्हायरसचा कहर काही केल्या थांबायचे नाव घेताना दिसत नाहिये. अशा परिस्थितीत पुण्यात कोरोनाची लागण झाल्यामुळे सोमवारी एका अधिकाऱ्याने आपला जीव गमावला आहे. फरासखाना पोलीस ठाण्याचे सहायक पोलीस फौजदार दिलीप पोपट लोंढे यांना कोरोनाचा संसर्ग झाला होता. पुण्यातील धनकवडी येथील भारती रूग्णालयात त्यांच्यावर उपचार सुरू होते. मात्र उपचारादरम्यान त्यांचा मृत्यू झाला. कोरोनाने राज्यात आत्तापर्यंत चार पोलिसांचा बळी घेतल्याच्या घटना समोर आल्या आहेत.
फरासखाना पोलीस स्टेशनचे सहायक पोलीस फौजदार श्री दिलीप पोपट लोंढे हे करोना रोगाशी बाधित असल्याने उपचार घेत असताना आज रोजी त्यांना वीरमरण प्राप्त झाले आहे.
भावपूर्ण श्रद्धांजली ? Our Prayers pic.twitter.com/7oNIOY14fq— CP Pune City (@CPPuneCity) May 4, 2020
करोनाचा तिसरा पोलीस बळी
आतापर्यंत राज्यात ४ जणांचा मृत्यू
यापूर्वी कोरोनाचा संसर्ग झाल्याने हेड कॉन्स्टेबल चंद्रकांत पेंदुरकर, संदीप सुर्वे आणि कॉन्टेबल शिवाजी सोनावणे यांचा मुंबईत मृत्यू झाला. तर, आज फरासखाना पोलीस ठाण्याचे सहायक पोलीस फौजदार दिलीप पोपट लोंढे यांचा मृत्यू झाला. दरम्यान, राज्यात आतापर्यंत ३००हून अधिक पोलीस कर्मचाऱ्यांना कोरोनाची लागण झाल्याचे समोर आले आहे. तर, चार पोलिसांचा यामुळे मृत्यू देखील झाला आहे. या पार्श्वभूमीवर कोरोना संकटकाळात महाराष्ट्र पोलिसांना ५० लाखांचे कवच मिळणार असल्याचे उपमुख्यमंत्री अजित पवार यांनी यासंदर्भात घोषणा देखील केली आहे.
A 58 years old Assistant Sub-Inspector has lost his life due to #COVID19 at Bharati Hospital in Pune. He was on ventilator for the last 12 days & suffering from hypertension & obesity: Dr Jitendra Oswal, Deputy Medical Director of Bharati Hospital in Pune
— ANI (@ANI) May 4, 2020
५८ वर्षांचे सहायक उपनिरीक्षक फौजदार दिलीप पोपट लोंढे यांचा कोरोनाने बळी घेतला आहे. ते गेल्या १२ दिवसांपासून व्हेंटिलेटरवर होते. त्यांना उच्च रक्तदाब आणि लठ्ठपणाचा देखील त्रास होता. पुणे येथील भारती रुग्णालयात उपचार सुरू होते. मात्र उपचारादरम्यान त्यांनी आपले प्राण गमावले, असे भारती रुग्णालयाचे उप वैद्यकीय संचालक डॉ. जितेंद्र ओसवाल यांनी सांगितले.