गोवंडी, भांडूप, पवई, विक्रोळी, घाटकोपर या भागातून रात्री गॅस गळतीच्या तक्रारी आल्याची माहिती महानगरपालिकेच्या आपात्कालीन विभागाकडून देण्यात आली आहे. मुंबईच्या पूर्व उपनगरात काल रात्री मोठ्या प्रमाणत गॅसची दुर्गंधी पसरल्याने नागरिकांमध्ये भीतीचे वातावरण पसरले आहे. यासंदर्भात तक्रारी अग्निशमन दलाला आल्या होत्या. या तक्रारींच्या आधारे अग्निशमन दलाकडून १७ गााड्या घटनास्थळी दाखल झाल्या. महापालिकेचे अधिकारी आणि अग्निशमन दलाकडून तपासणी केल्यानंतर या कोणत्याही भागात गॅस गळती होत नसल्याचे सांगण्यात येत आहे. अग्निशमन दलाकडून अद्यापही तपासणी सुरू असल्याची माहिती मिळत आहे.
गॅस गळतीचे कारण आणि स्त्रोताचा शोध सुरू
तसेच, मुंबई महापालिकेनं नागरिकांना घाबरून न जाण्याचं आवाहन केले आहे. परिस्थिती नियंत्रणात असून गॅस गळतीचे कारण आणि स्त्रोत याचा शोध सुरू असल्याचेही सांगण्यात येत आहे. अग्निशमन दल घटनास्थळी दाखल झाले आहे. आजूबाजूच्या भागांमध्ये तपासणी सुरू करण्यात आली असून नागरिकांनी खबरदारी घेण्याचे आवाहन पालिकेकडून करण्यात आले आहे.
No gas leakage was found at given locations. Further calls were received from Powai & leakage smell was felt in Andheri. Total 17 fire engines were deputed for the search of gas leakage & it was announced to not panic. Hazmat vehicles were ready for emergency: Mumbai Fire Brigade https://t.co/qHsZbe7ns9
— ANI (@ANI) June 7, 2020
दरम्यान, हिंदुस्तान पेट्रोलियम कॉर्पोरेशन लिमिटेड, भारत पेट्रोलियम कॉर्पोरेशन लिमिटेड, महानगर गॅस लिमिटेड, राष्ट्रीय रसायन व खत्याच्या अधिकाऱ्यांना यासंदर्भात माहिती देण्यात आली असून वरिष्ठ अधिकाऱ्यांमार्फत चौकशीच्या सूचना देण्यात आल्याची माहिती अग्निशमन दलाच्या वरिष्ठ अधिकाऱ्यांनी दिली आहे.
HPCL (Hindustan Petroleum Corporation Limited), BPCL (Bharat Petroleum Corporation Limited), MGL (Mahanagar Gas Ltd), RCF (Rashtriya Chemicals & Fertilizers) and Police were informed. Investigation on by senior officers: Chief Fire Officer, Mumbai Fire Brigade
— ANI (@ANI) June 7, 2020
अग्निशमन दलाने केली खात्री
काही नागरिकांनी सोशल मिडीयाद्वारे या गॅस गळतीची शक्यता वर्तवली होती. याची माहिती मुंबई अग्निशमन दलाला मिळताच रात्रभर विविध ठिकाणी शोध घेतला. त्याच बरोबर दक्षता म्हणून ज्या ठिकाणावरून तक्रारी आल्या होत्या तिथे जाऊन दक्षतेबाबत घोषणा करण्यात आल्या. गोवंडी मधील एका औषध कंपनी मधून हा गॅस लिकेज झाल्याची शक्यता स्थानिकांनी वर्तवली होती. तशी लेखी तक्रार ही केली होती. अग्निशमन दलाच्या जवानांनी इथे देखील जाऊन रात्री पाहणी केली. दरम्यान तेथील परिस्थिती चांगली असून घाबरुन न जाण्याचं पर्यावरण मंत्री आदित्य ठाकरे यांनी सांगितलं आहे.
With regards to the foul odour across some parts of Mumbai, as of now the Mumbai Fire Brigade has been activated with its SoPs. I appeal to all to stay indoors, not panic. Close your windows. @mybmc is actively monitoring this situation https://t.co/jOLvZdCfJW
— Aaditya Thackeray (@AUThackeray) June 6, 2020
पर्यावरण मंत्र्यानी केले घरातच राहण्याचे आवाहन
दरम्यान, पर्यावरण मंत्री आदित्य ठाकरे यांनी म्हटले आहे की, मुंबईच्या काही भागात पसरलेल्या दुर्गंधीसंदर्भात, आतापर्यंत मुंबई फायर ब्रिगेडने काम सुरू केले आहे. त्यांनी सांगितलं आहे की, कोणीही घाबरू नका, मी सर्वांना घरातच राहण्याचे आवाहन करतो. घराच्या खिडक्या बंद करा. मुंबई महापालिका या परिस्थितीवर नजर ठेवून आहे, आपत्ती व्यवस्थापन केंद्र, अग्निशमन विभाग याचा शोध घेत आहे, लिकेजचा मूळ स्त्रोत सापडताच कळवले जाईल, असे आदित्य ठाकरे यांनी म्हटले आहे.
अग्निशमन दलाच्या १७ गाड्या घटनास्थळी
मिळालेल्या माहितीनुसार, मुंबईच्या पूर्व उपनगरातील चेंबूर, घाटकोपर, कांजूरमार्ग, पवई आदी विभागात रात्री पावणे बारा सुमारास गॅस गळतीचा वास येऊ लागला होता. गॅसचा उग्र वास येत असल्याने या विभागांमधून मुंबई पोलीस आणि अग्निशमन दलाकडे गॅस गळतीच्या तक्रारी नागरिकांनी ट्विटरच्या माध्यमातून नोंदवल्या. गॅस गळतीच्या अनेक तक्रारी येऊ लागल्याने मुंबई अग्निशमन दलाने आपल्या १७ गाड्या पाठवत गॅस लिकेजचा शोध घेतला गेला आहे.
We have received a couple of complaints of suspected gas leak, from residents in Chembur, Ghatkopar, Kanjurmarg, Vikhroli & Powai. The fire brigade is checking and we will update facts soon.
— माझी Mumbai, आपली BMC (@mybmc) June 6, 2020