IND vs AUS : लोक माझ्याविषयी ‘हे’ बोलत असल्याचे पाहून हसायला आले – स्मिथ  

ऑस्ट्रेलियाचा प्रमुख फलंदाज स्टिव्ह स्मिथबाबत मागील काही दिवस बरीच चर्चा सुरु होती. भरवशाच्या स्मिथला भारताविरुद्ध पहिल्या दोन कसोटीत चांगली कामगिरी करण्यात अपयश आले होते. दोन कसोटींच्या चार डावांत मिळून स्मिथला केवळ १० धावा करता आल्या होत्या. तिसऱ्या कसोटीत मात्र स्मिथने उत्कृष्ट फलंदाजी करत १३१ धावांची खेळी केली. हे त्याचे कसोटी कारकिर्दीतील २७ वे शतक ठरले. पहिल्या दोन कसोटीत लवकर बाद झाल्यानंतर या सामन्यात शतक केल्याचा स्मिथला आनंद होता.