Test Rankings : स्मिथने टाकले कोहलीला मागे; विल्यमसन नंबर वन  

भारताचा कर्णधार विराट कोहलीला मागे टाकत ऑस्ट्रेलियाच्या स्टिव्ह स्मिथने जागतिक कसोटी क्रमवारीतील फलंदाजांच्या यादीत दुसरे स्थान पटकावले. भारताचा फलंदाज चेतेश्वर पुजाराला दोन स्थानांची बढती मिळाली असून तो आठव्या स्थानी पोहोचला आहे. नुकत्याच झालेल्या भारताविरुद्धच्या सिडनी कसोटीत स्मिथने १३१ आणि ८१ धावांची खेळी केली होती. त्यामुळे तो दुसऱ्या स्थानावर पोहोचला असून त्याच्या खात्यात ९०० गुण आहेत. तसेच या कसोटीत ९७ धावा करणाऱ्या रिषभ पंतला १९ स्थानांची बढती मिळाली. आता तो २६ व्या स्थानावर आहे. या यादीत न्यूझीलंडचा कर्णधार केन विल्यमसन (९१९ गुण) अव्वल स्थानावर आहे.