माजी कर्णधार राहुल द्रविड जैव सुरक्षित वातावरणात क्रिकेट खेळण्याच्या विरोधात आहे. त्याने ते वास्तवाच्या पलीकडे आहे असं म्हटलं आहे. इंग्लंड अँड वेल्स क्रिकेट बोर्डाने (ईसीबी) प्रथम अशी कल्पना आणली. कोविड-१९ साथ असूनही ईसीबी आपला क्रिकेट हंगाम सुरू करण्यास उत्सुक आहे. पाकिस्तान आणि वेस्ट इंडिजविरूद्ध मालिका जैव-सुरक्षित ठिकाणी आयोजित करण्याची नुकतीच घोषणा त्यांनी केली होती, परंतु दिग्गज फलंदाज द्रविड या कल्पनेशी सहमत नाही.
राहुल द्रविडने स्वयंसेवी संस्था युवा यांच्या समर्थनार्थ आयोजित वेबिनार दरम्यान सांगितले की, “ईसीबी ज्या गोष्टींबद्दल बोलत आहे ते वास्तवांपेक्षा थोड्याशा अधिक आहेत. ईसीबी नक्कीच या मालिका आयोजित करण्यास उत्सुक आहे कारण तेथे इतर कोणतेही क्रिकेट खेळले जात नाही.” तो पुढे म्हणाला, “जरी ते जैव-सुरक्षित वातावरण तयार करण्यात यशस्वी ठरले आणि त्यामध्ये सामने आयोजित केले, परंतु मला असे वाटते की ज्या प्रकार सामने असतील, प्रवास करणे आवश्यक आहे आणि बरेच लोक सामील होतील, प्रत्येकाला असे करणे शक्य होणार नाही.”
हेही वाचा – फडणवीसजी ‘मुंगेरीलाल के हसीन सपने’ बघायचं सोडून द्या – नितीन राऊत
केवळ ईसीबीच नाही तर दक्षिण आफ्रिकेनेसुद्धा सुचवले आहे की, भारताविरुद्ध प्रस्तावित मालिका जैव-सुरक्षित वातावरणात आयोजित केली जाऊ शकते. द्रविड म्हणाला, “आम्ही सर्व जण आशा बाळगतो की काळानुसार गोष्टी सुधारतील आणि चांगल्या औषधांमुळेही परिस्थिती सुधारेल.” तो म्हणाला, “जैव-सुरक्षित वातावरणामध्ये तुम्हाला सर्व प्रकारच्या चाचण्या कराव्या लागतील, एकाकीपणाचा सहभाग असेल आणि अशा परिस्थितीत एखाद्या कसोटी सामन्याच्या दुसर्‍या दिवशी संक्रमित झाल्यास काय? आताच्या नियमानुसार आरोग्य विभागातील कर्मचारी येऊन सर्वांना आयसोलेट करतील.” तो म्हणाला की, याचा अर्थ असा होईल की कसोटी सामना मध्यभागी संपेल आणि ते वातावरण तयार करण्यासाठीचे सर्व प्रयत्नही व्यर्थ ठरतील. नॅशनल क्रिकेट अॅकॅडमीचा (एनसीए) प्रमुख द्रविड म्हणाला, “एखाद्या खेळाडूला संसर्ग झाल्यास संपूर्ण स्पर्धा रद्द होणार नाही, असा आम्हाला आरोग्य विभाग आणि सरकारी अधिकाऱ्यांसमवेत मार्ग शोधला पाहिजे.”
,