हिंदू धर्मात महाशिवरात्रीला खूप महत्वपूर्ण मानले जाते. यंदा शुक्रवार, 8 मार्च रोजी महाशिवरात्री साजरी केली जाईल. या दिवशी महादेवाची पूजा-आराधना तसेच व्रत केल्याने इच्छित वराची प्राप्ती होते. तसेच अनेक भाविक या दिवशी शिवमंदिरात जातात. भारतात महादेवाची अनेक प्रसिद्ध मंदिरं आहेत पण महादेवाची मंदिरं केवळ भारतातचं नाही तर परदेशातही आहेत.
महादेवाची भारतात 12 ज्योतिर्लिंग आहेत. ही ज्योतिर्लिंग गुजरात, आंध्र प्रदेश, मध्य प्रदेश, उत्तराखंड, महाराष्ट्र, उत्तर प्रदेश, झारखंड, तामिळनाडू या राज्यांमध्ये आहेत. तसेच श्री अमरनाथ गुहा मंदिर हे देखील महादेवाच्या प्रमुख मंदिरांपैकी एक आहे.
महादेवाची परदेशातील लोकप्रिय शिव मंदिरं
- पशुपतीनाथ मंदिर, नेपाळ
प्रसिद्ध पशुपतीनाथ मंदिर नेपाळच्या काठमांडू शहरात आहे. येथील शिवलिंग पारस दगडाचे आहे असून याची स्थापना 5 व्या शतकात बांधले झाली होती.
- प्रंबनन मंदिर, इंडोनेशिया
इंडोनेशियातील प्रंबनन मंदिर हे रोरो जोंगग्रांग मंदिर म्हणून देखील ओळखले जाते. प्रंबनन मंदिर हे इंडोनेशियातील सर्वात मोठे हिंदू मंदिर असून या मंदिराची स्थापना 9व्या शतकात झाली होती.
- सागर शिव मंदिर, मॉरिशस
मॉरिशसमधील सागर शिव मंदिर मॉरिशसच्या पोस्टे डे फ्लॅक येथील गोयावे दे चायने बेटावर आहे. हे मंदिर समुद्राच्या मध्यभागी असून या मंदिरातील शिव लिंग 108 फूट उंचीचे आहे. या मंदिराची स्थापना 2007 मध्ये झाली होती.
- मुनेश्वरम मंदिर, श्रीलंका
श्रीलंकेतील मुनेश्वरम मंदिर रामायणाशी संबंधित मानले जाते. हे मंदिर 1000 वर्षांहून अधिक जुने आहे.
- कटासराज मंदिर, पाकिस्तान
5000 वर्ष जुने कटासराज मंदिर पाकितास्ताच्या चकवाल जिल्ह्यापासून 40 किलोमीटर अंतरावर आहे. पौराणिक कथेनुसार, महादेव देवी सतीसोबत या ठिकाणी राहत होते. या मंदिराला लागूनच एक मोठा तलाव आहे जो महादेवांच्या अश्रूंपासून बनल्याचं म्हटलं जातं.
- मुक्ती गुप्तेश्वर मंदिर, ऑस्ट्रेलिया
ऑस्ट्रेलिया येथील मुक्ती गुप्तेश्वर मंदिर 13व्या ज्योतिर्लिंगाशी संबंधित असल्याचे म्हटले जाते. श्रावण महिन्यात या ठिकाणी अनेक भाविक दर्शनासाठी येतात.
हेही वाचा :