बऱ्याचदा असे होते की, आपण एखाद्यावर जास्त विश्वास ठेवतो आणि नंतर लक्षात येते की, ज्याच्यावर आपण विश्वास ठेवलं आहे ती व्यक्ती आपल्याबाबतीत काय विचार करत होती. तुमच्याबाबतीतही असं घडलं असेलच. जर तुम्हीही लोकांच्या बोलण्यावर सहज विश्वास ठेवून स्वतःची फसवणूक करून घेत असाल तर आजची बातमी तुमच्यासाठी. आज आपण अशा काही गोष्टी पाहणार आहोत ज्याने काही मिनिटातच तुमच्या नात्याची सत्यता बाहेर येईल.
खरेपणा ओळखण्यासाठी टिप्स –
तुमचा जोडीदार तुम्ही दोघे असताना प्रेमाने आणि आदराने बोलत असेल पण बाहेरच्या लोकांसमोर अहंकार दाखविण्याचा प्रयन्त करत असेल तर तो तुमच्यासोबत लॉयल नाही असे समजा. तुमच्या नात्यात खरेपणा नाही, तुमचे नाते खोट्या गोष्टींच्या आधारावर उभे आहे, असे स्पष्ट होते.
कोणतेही नाते पुढे नेण्यासाठी आदर सर्वात महत्वाचा असतो. तुमचा मित्र, बॉयफ्रेंड- गर्लफ्रेंड, नवरा- बायको तुमच्याशी प्रेमाने बोलत नसतील आणि तुमच्या भावना यांच्याशी त्यांना काही घेणं देणं नसेल तर अशा नात्यात तुमचा वेळ गुंतवू नका. तुमच्या नात्यात तुम्हाला किंमत नाही असे यावरून स्पष्ट होते.
जे लोक आपल्यावर प्रेम करतात. असे लोक कायम चुका अधोरेखित करतात आणि सुधारण्यासाठी मदत करतात. पण, जर तुमचा पार्टनर तुमच्यासोबत असताना तुम्हाला आवडणाऱ्या गोष्टींचा उल्लेख करत असेल आणि तुम्हाला खुश ठेवत असेल तर तुमच्या नात्यातील प्रामाणिकपणाच्या अभावाचे हे लक्षण असू शकते. त्यामुळे अशा लोकांपासून अंतर राखा.
नात्यातील खरेपणा ओळखायचा असेल तेव्हा तो लगेच ओळखत येत नाही. यासाठी थोडा वेळ द्यायला हवा. जेव्हा तुमचा पार्टनर खराब मूडमध्ये किंवा रागवलेला असेल तेव्हा ओळखण्याचा प्रयन्त करा. कारण रागाच्या भरात माणूस नको असलेलं बोलून जातो आणि चुकीचा निर्णय घेऊ शकतो. पण, जर तुमच्याकडे अशी माणसे असतील जी कोणत्याही परिस्थिती तुमची काळजी घेत असतील तर तुमचे नाते योग्य दिशेने सुरु आहे असे समजा.
हेही पहा : Relationship Tip असे बनवा नाते मजबूत
Edited By – Chaitali Shinde
