दिवसभराची कामं करत असताना गृहिणींना अनेक अडचणींना सामोरे जावे लागते. अशावेळी खास होम टिप्स लक्षात असल्यास त्याचा चांगलाच फायदा होतो.
- Advertisement -
- पुऱ्या खुसखुशीत होण्यासाठी कणीक मळताना तिच्यात थोडीशी तांदळाची पिठी घालून मळावी.
- तूर डाळीच्या आमटीत थोडासा पालक चिरुन घातल्यास आमटीला छान आणि वेगळी चव येते.
- पुलाव करताना तांदळाच्या दीडपट पाणी घालावे आणि २ शिट्ट्या कराव्यात यामुळे भात मोकळा होतो.
- कांदा चिरताना डोळे झोंबतात, अशावेळी च्युईंगम खात कांदा चिरल्यास डोळ्यातून पाणी येणार नाही.
- कपड्यांवरील शाईचे डाग घालवण्यासाठी डाग लागलेल्या ठिकाणी टुथपेस्ट लावावी. ती पूर्ण सुकू द्यावी. त्यानंतर ते कापड धुवावेत.
- ज्या कपड्याला च्युईंगम चिकटले आहे, ते एक तास फ्रिजमध्ये ठेवावे. त्यानंतर चिकटलेले च्युईंगम हाताने काढावे.
- पाणी उकळताना भांड्यातून बाहेर येते, अशावेळी भांड्यावर लाकडी चमचा ठेवावा. उकळते पाणी बाहेर येणार नाही.
- पांढरे कपडे धुताना लिंबाच्या रसाचा वापरा करावा. यामुळे पांढरे कपडे स्वच्छ राहण्यास मदत होते.
- आरसा स्वच्छ राहण्यासाठी कापसावर स्पिरिट घेऊन त्यांनी आरसा पुसावा. यामुळे आरसा स्वच्छ होतो.
- तुमच्या घरात उंदीर येत असतील तर त्यांच्या येण्याच्या वाटेवर लाल तिखट घाला यामुळे उंदीर येणे बंद होईल.
हेही वाचा :
