रिलेशनशिपमध्ये तुम्ही एकमेकांना समजून घेणे अत्यंत गरजेचे आहे. काही वेळेस असे होते की, एखाद्याचे ऐकून आपण पार्टनरवर संशय घेतो. अशातच नाते मोडले ही जाते. जेव्हा ब्रेकअप होते तेव्हा त्याचे दु:ख दीर्घकाळ राहते. व्यक्तीला आपण नक्की काय करावे हे कळत नाही. अशातच ब्रेकअपनंतर स्वत: ला कसे सावरावे याच बद्दलच्या काही टीप्स जाणून घेऊयात.
-स्वत:ला बदलण्याचा प्रयत्न करा
आयुष्यात पुढे जाण्यासाठी नेहमीच भुतकाळातील गोष्टी मागे ठेवावे असे सांगितले जाते. त्यामुळे आयुष्यात जर जुन्या गोष्टी विसरुन पुढे गेलात तरच नव्याने पुन्हा सुरुवात करता येईल. ब्रेकअपनंतर स्वत:ला बदलण्याचा प्रयत्न करा.
-आपल्या आवडी-निवडीकडे लक्ष द्या
आयुष्यात आपल्याला काही गोष्टी आवडतात. मात्र त्या एखाद्या कारणास्तव करता येत नाही. अशातच तुम्ही तुमची आवड , छंद जोपासला पाहिजे. जेणेकरुन तुम्ही ब्रेकअपच्या दु:खापासून डिटॅच होण्यास मदत होईल.
-मित्रांसोबत वेळ घालवा
दिवसभर एकाच व्यक्तीबद्दल विचार केल्याने तणावाची स्थिती अधिक वाढू शकते. ब्रेकअप झाल्यानंतर असे केल्याने मानसिक त्रास होतो. त्यामुळे मित्रपरिवारासोबत वेळ घालवावा. त्यांच्यासोबत तुमच्या भावना शेअर करा.
-आपले विचार लिहा
काही गोष्टी अशा असतात ज्या आपण कोणाला सांगू शकत नाही. अशातच ब्रेकअपच्या दु:खापासून दूर राहण्यासाठी तुम्ही तुमच्या भावना, विचार एका डायरीत लिहा. जेणेकरुन तुमचे मन हलके होईल.
-सेल्फ हॅप्पीनेस गरजेचा
एकमेकांची काळजी घेण्यात आपण कधीकधी स्वत:चा हॅप्पीनेस विसरतो. अशातच ब्रेकअप नंतर आयुष्यात पुढे जायचे असेल तर सेल्फ लव्ह आणि सेल्फ हॅप्पीनेस गरजेचा आहे.
हेही वाचा- लग्न मोडण्यास कारणीभूत ठरतात ‘या’ गोष्टी
