तुम्हालाही चावतात का नवीन चप्पल ? करा ‘हे’ उपाय

शूजच्या दुकानात जाऊन शूज खरेदी करणे इतके सोपे नाही. त्यांची फिटिंग, डिझाईन, रंग, कम्फर्ट सगळं बघावं लागतं. प्रत्येकाला असे शूज खरेदी करायचे असतात जे घातल्यानंतर पायांना आराम वाटेल. पण शूज खरेदी केल्यावर तुम्हाला असे लक्षात आले की ते तुम्ही ट्राय केल्यावर जेवढे कम्फटेर्बल वाटले तेवढे आता नाही, अनेकदा नवीन शूज घातल्यानंतर पायाला जखम होण्याच्या समस्येला सामोरे जावे लागते. पण पायावरील त्या जखमांमुळे पायांचे सौंदर्य निस्तेज करतात. नवीन चपलीमुळे झालेल्या दुखापतींच्या समस्येशी अनेक लोक संघर्ष करतात. पण जर यावर योग्य उपचार केले तर तुम्हाला या समस्येपासून आराम मिळू शकतो.

जेव्हा शूजची एखादी बाजू त्वचेवर घासली जाते तेव्हा फोड तयार होतात, ज्यामुळे चालताना किंवा धावताना वेदना पण होतात. अशावेळी शूज बदलणे हा एक चांगला पर्याय असला तरी प्रत्येक वेळी तुम्ही नवीन शूज तर वापरू शकत नाहीत. पण नवीन सँडल किंवा शूज घातल्यानंतर होणारी जखम लवकर बरी करण्यासाठी आम्ही तुम्हाला काही घरगुती उपाय सांगणार आहोत जे फॉलो करुन तुम्ही घरच्या घरी त्या जखमा बऱ्या करु शकता.

पायांवरील फोड कसे बरे करावे?

खोबरेल तेल
जर तुमचे पायही नवीन शूज आणि चप्पलने खराब झाले असतील तर तुम्ही यासाठी खोबरेल तेल वापरू शकता. जखमा भरण्यासाठी हे खूप उपयुक्त आहे, अशा परिस्थितीत तुम्ही कापूरच्या गोळ्यामध्ये मिसळून जखमेवर लावू शकता. यामुळे जखम लवकर भरून येते आणि खाजही कमी होते.

मध
या व्रणांवरही तुम्ही मध लावू शकता. यामध्ये अँटी-बॅक्टेरिअल गुणधर्म भरपूर असल्याने तुम्ही थोडे मध घेऊन ते कोमट पाण्यात मिसळून पायाची मालिश करू शकता.

आईस पॅक 
जर तुम्हाला बूट चावण्याचा त्रास होत असेल तर तुम्ही यासाठी आइस पॅक देखील वापरू शकता. बर्फाचा पॅक लावल्याने वेदना आणि सूज कमी होण्यास मदत होते. यासाठी काही बर्फाचे तुकडे एका पातळ टॉवेलमध्ये गुंडाळा आणि 10-15 मिनिटे प्रभावित भागावर ठेवा.

कडुलिंब आणि हळद 
कडुनिंब आणि हळदीमध्ये अँटी-बॅक्टेरियल, अँटी-इंफ्लेमेटरी आणि बरे करण्याचे गुणधर्म असतात. अशा परिस्थितीत जूता चावण्याच्या समस्येपासून सुटका मिळवण्यासाठी तुम्ही कडुलिंब आणि हळदीची पेस्ट लावू शकता. यासाठी कडुलिंब पावडर आणि हळद पावडर थोडे पाण्यात मिसळून पेस्ट बनवा. आता ही पेस्ट प्रभावित भागावर लावा आणि 30 मिनिटे राहू द्या. नंतर साफ करा.

नवीन शूज, सँडल पायांना चावू नये म्हणून काय करावे?

•  नवीन शूज, सँडल घातल्यानंतर ती चावत असल्यास त्या भागावर छोटी बँडेज पट्टी लावा, यामुळे तुम्हाला थोडं बर वाटेल.
• नवीन शूजमुळे पायांची बोट दुखतं असतील तर शूजमध्ये कापूस टाका, असे केल्याने पाय दुखणार नाहीत.
•  फुटवेअरचा पायाला लागणाऱ्या भागावर आतील बाजूने टेप लावा. यामुळे फोड आणि जखमा यांसारख्या समस्या जाणवणार नाही.