बटाटा हा सर्वच जेवणात अगदी सर्रासपणे वापराला जातो. झटपट होणारी बटाट्याची रस्सा भाजी तुम्ही घरच्या घरी अगदी सोप्या पद्धतीने करू शकता. जाणून घ्या साहित्य आणि कृती….
साहित्य
- 2 कच्चे बटाटे
- 2 कच्चे टॉमेटो
- चिरलेला कांदा
- 4-5 पाकळ्या ठेचलेली लसूण
- आल्याचे तुकडे बारीक केलेले (प्रमानुसार)
- तेल
- चवीनुसार मीठ (प्रमानुसार)
- गूळ
- हिंग
- गोडा मसाला
- कढीपत्ता
- हळद
- तिखट
- जिरे
- मोहरी
कृती
- सर्वात प्रथम बटाटे आणि टॉमेटोचे मोठे तुकडे करून घ्यावेत आणि ते पाण्यात ठेवावे.
- नंतर लहान कुकरमध्ये तेल घ्यावे.
- तेल तापल्यावर त्यात जिरे, मोहरी, हिंग, कडिपत्त्याची तीन चार पाने घालून परतावे.
- यानंतर यामध्ये चिरलेला कांदा, बटाटे आणि टॉमेटोचे तुकडे घालून मिक्स करावे.
- हे झाल्यावर त्यात हळद, तिखट, गूळ, गोडा मसाला, मीठ घालावे आणि मिक्स करून वरून अंदाजानुसार जाड रस्सा होईल इतके पाणी ओतावे.
- तसेच हे पाणी व्यवस्थित ढवळून घ्यावे जेणेकरून मसाल्याच्या गुठळ्या राहणार नाहीत.
- त्यानंतर कुकरचे झाकण लावा आणि साधारण तीन शिट्ट्या द्या.
- तुमची बटाट्याची पातळ रस्सा भाजी तयार.