कारले म्हटले की अनेक जण नाक मुरडतात. मात्र, आज आम्ही तुम्हाला खमंग भरलेली कारली कशी बनवायची हे सांगणार आहोत.
साहित्य :
- 8-10 कारली
- 2 चमचे दही
- 1 उकडलेला बटाटा
- 1 चमचा बडीशेप कोरडी भाजून पूड
- 1 चमचा धणे जिरे पूड
- चिमूटभर हळद
- 1 चमचा तिखट
- 2-3 चमचा तेल
कृती :
- Advertisement -
- सर्वप्रथम कारली उभी चिरुन आतून गर काढून घ्यावा. बाहेरुन पण थोडे सोलून घ्यावे.
- त्यानंतर कारल्याला आतून बाहेरुन मीठ चोळून थोडा वेळ ठेवावे. मग स्वच्छ धुऊन, घट्ट पिळून घ्यावे.
- नंतर एका उकळत्या पाण्यात कारली घालून काही वेळ वाफवून घ्यावी.
- मसाले, मीठ दही, उकडलेला बटाटा हे सर्व नीट एकत्र करुन कारल्यामध्ये भरावी.
- त्यानंतर एका पॅनमध्ये 2-3 चमचा तेल गरम करुन त्यात कारली ठेवावीत.
- मंद आचेवर सर्व बाजूंनी खरपूस भाजावीत.
- अशाप्रकारे खमंग भरलेली कारली खाण्यासाठी भाकरीसोबत सर्व्ह करा.
हेही वाचा :