अनेकदा पोहे, उपमा हे तेच तेच पदार्थ खाऊन सर्वांनाच कंटाळा येतो. अशावेळी तुम्ही नाचणीचे कटलेट नक्की ट्राय करा.
साहित्य :
- 1 वाटी मोड आलेली नाचणी
- 2 उकडलेले बटाटे
- 1 मोठा चमचा बेसन
- 1 चमचा लाल मिरची पावडर
- 1 चमचा धणे पावडर
- 1 चमचा जिरे पावडर
- 1 चमचा गरम मसाला पावडर
- पाव चमचा साखर
- 1 वाटी कोंथिबीर
- 1 कोवळा पातीचा कांदा
- 1 वाटी पोहे
- चवीपुरते मीठ
- तळण्यासाठी तेल
कृती :
- Advertisement -
- सर्वप्रथम मोड आलेली नाचणी मिक्सरला थोडेसे पाणी घालून बारीक वाटून घ्यावी.
- त्यानंतर एका पातेल्यात घेऊन, त्यात उकडलेले बटाटे कुस्करून घालावेत.
- नंतर त्यात बेसन आणि सर्व मसाले घालावेत. त्यानंतर पातीचा कांदा, तसेच कोथिंबीर बारीक चिरून घालावी.
- चवीपुरते मीठ घालून मग सगळे मिश्रण व्यवस्थित एकजीव करून घ्यावे.
- पोहे मिक्सरला सरसरीत वाटून घ्यावे. या मिश्रणात घालून एकत्र करावे. त्यामुळे मिश्रणाला घट्टपणा येईल.
- फ्राय पॅनमध्ये थोडे तेल घालून छोटे छोटे कटलेट शॅलो फ्राय करावेत.
- हे पौष्टिक कटलेट खूप चविष्ट आणि कुरकुरीत लागतात.
- हे हिरवी चटणी किंवा सॉसबरोबर गरमागरम सर्व्ह करावे.
हेही वाचा :
