एका गृहिणीचा जास्त वेळ स्वयंपाक घरातच जातो. रोजच्या जेवणासोबतच कधी-कधी महिला घरच्यांसाठी स्पेशल डिश देखील तयार करतात. त्यासाठी आज आम्ही काही खास टिप्स घेऊन आलो आहोत.
- गुलामजाम हमखास चांगले होण्याकरिता खवा मळताना त्यात अर्धी वाटी पनीर मिसळावे. पनीरमुळे पाक आतपर्यंत शिरतो आणि गुलाबजाम हलके होतात.
- Advertisement -
- मेदूवडे करताना वड्याचे पीठ पातळ झाल्यास त्यात बारीक रवा मिसळावा. वडे कुरकुरीत होतात.
- कोणत्याही प्रकारची धिरडी करताना कांदा कापून घालण्याऐवजी किसून घालावा. त्यामुळे धिरडी छान व कुरकुरीत होतात.
- ताक आंबट होऊ नये म्हणून त्यात भरपूर पाणी घालून ठेवावे. वाढायच्या वेळी वरचे पाणी ओतून द्यावे. ताक आंबट होत नाही.
- Advertisement -
- छोले करण्यासाठी चणे रात्री भिजत घालण्यापूर्वी त्या पाण्यात सोडा घालण्याऐवजी चार पाच वेळा तुरटी फिरवावी. सकाळी चणे उपसून नेहमीप्रमाणे कुकरमध्ये शिजवावे म्हणजे चणे चांगले मऊ होतात.
- पकोड्यांसाठी पीठ बनवताना त्यात थोडे तांदळाचे पीठ टाका, पकोडे अधिक कुरकुरीत होतील.
- कोणताही नवा पदार्थ बनवताना त्यात थोडं मीठ टाका ज्यामुळे पदार्थाचा स्वाद वाढेल.
- भात करताना त्याच्या पाण्यात 1 चमचा मीठ, काही थेंब लिंबाचा टाका, ज्यामुळे भात सुटसुटीत होतील.
- हलव्यासाठी रवा भाजताना त्यात अर्धा चमचा बेसन पीठ मिसळा, यामुळे हलवा चविष्ठ होईल.
हेही वाचा :
‘या’ घरगुती उपायांनी हटवा कपड्यांवरचे डाग