बऱ्याचदा सकाळी ऑफिसला जाताना नाश्ता काय करावा असा प्रश्न पडतो. अशावेळी पौष्टिकपालक पराठा नक्की ट्राय करु शकता.
साहित्य :
- 2 जुडी पालक
- 10 पाकळ्या लसूण
- 1 चमचा किसलेलं आलं
- 1 चमचा धण्या जिऱ्याची पुड
- 1/4 चमचा हळद
- मीठ चवीनुसार
- 1/2 चमचा तिखट
- दीड वाटी गव्हाचे पीठ
- 1/2 वाटी बेसनाचे पीठ
- पाणी
- तेल
कृती :
- पालक धुवून बारीक चिरा. त्यानंतर लसूण आणि आलं मिक्सरमध्ये बारीक करुन घ्या.
- गव्हाचे पीठ आणि बेसनाचे पीठ व्यवस्थित एकत्र करुन घ्या आणि त्यात तिखट, मीठ, हळद, धण्याजिऱ्याची पूड, लसूण आल्याची पेस्ट आणि शेवटी चिरलेला पालक घाला.
- आता हे सर्व थोडे पाणी घालून मळून घ्या.
- आता थोडे तेल घालून कणकेचा गोळा करुन ठेवा आणि याचे पराठे बनवा.
- हे पराठे सॉससोबत सर्व्ह करा.