सुंदर आयुष्य जगण्यासाठी पैसा, करिअर, नात्यांसोबत आपलं आरोग्य सुदृढ असणं देखील गरजेचं आहे. शिवाय शारीरिक, मानसिक आणि सामाजिक रुपाने सक्षम असणं सुदृढ असण्याचं लक्षण आहे. अलीकडच्या बदलत्या लाईफस्टाईल आणि खाण्या-पिण्यामुळे अनेकांना विविध प्रकारच्या आजारांचा सामना करावा लागतो. शारीरिक आणि मानसिक रुपाने फिट राहण्यासाठी आपण अनेक उपचार घेतो. पण, कधी-कधी या सर्व उपचारांचा काहीच परिणाम आपल्या आरोग्यावर होत नाही. अशावेळी आपल्या राहत्या घरात वास्तुदोष असल्याचं देखील म्हटलं जातं.
- Advertisement -
कधी-कधी घरात मोठ्या प्रमाणात वास्तू दोष असल्यामुळे देखील अनेकांना आजारांचा सामना करावा लागतो. घरातील प्रत्येक दिशेचा तसेच घरातील प्रत्येक वस्तूचा आपल्या आरोग्य, सुख-समृद्धी, आर्थिक परिस्थितीशी संबंध असतो.
‘या’ गोष्टींमुळे घरामध्ये निर्माण होऊ शकतो वास्तुदोष
- Advertisement -
- स्वयंपाक घराची दिशा नेहमी आग्नेय कोपऱ्यात असावी. तसेच स्वयंपाक घरात कधीही आग आणि पाणी एकत्र ठेऊ नये. असं केल्यास घरातील सदस्यांना पोटासंबंधी आजार निर्माण होतात.
- स्वयंपाक घरात रात्री खरकटी भांडी ठेऊ नये.
- स्वयंपाक घरात जेवण बनवताना चेहरा नेहमी पूर्व किंवा पश्चिम दिशेला असावा.
- रात्री झोपताना तुमचं डोकं नेहमी उत्तर दिशेला आणि पाय दक्षिणेला असल्यास डोकेदुखी, निद्रानाश अशा समस्या निर्माण होतात. त्यामुळे झोपताना डोकं दक्षिणेला किंवा पूर्वेला असावं आणि पाय उत्तरेला किंवा पश्चिमेला असावे.
- गर्भवती स्त्रियांनी कधीही पूर्वोत्तर दिशेला झोपू नये, यामुळे गर्भाशयासंबंधित समस्या निर्माण होतात.
- घरामध्ये जुन्या, वापरात नसलेल्या वस्तू ठेऊ नये.
- घराचे प्रवेश दार स्वच्छ आणि सुंदर ठेवावे.
- घरात रोज सकाळ-संध्याकाळ कापूर, धूप-दीप लावावे.
- घरात दररोज देवाच्या मंत्राचे, स्तोत्रांचे पठण करावे.
हेही वाचा :
