मेथी कफनाशक आणि पित्तनाशक असल्याने हिवाळ्यात सर्दी – खोकल्यासारखे आजार होत नाहीत. अशाच मेथी लाडूची रेसिपी आपण आज आम्ही तुम्हाला सांगणार आहोत.
- Advertisement -
साहित्य :
- 50 ग्रॅम मेथी पावडर
- 2 वाट्या गव्हाचे पिठ (कणिक)
- 1 वाटी किसलेले सुके खोबरे
- 1 वाटी खारीक पावडर
- 50 ग्रॅम डिंक (ऑप्शनल)
- 50 ग्रॅम खसखस
- अडीच वाटी पिठी साखर
- अडीच वाटी तूप
- सुकामेवा
- वेलची पूड
- जायफळ पूड
कृती :
- सर्वात आधी खसखस भाजून त्याची पावडर करून घ्यावी. त्यांनतर तुपात मेथी पावडर किमान 10-12 तास भिजवून ठेवावी.
- मग सुके खोबरे किसून भाजून घ्यावे त्यात 2 वाट्या तूप कढईत घालून त्यात डिंक तळून घ्यावा.
- डिंक बाजूला काढून उरलेल्या तुपात गव्हाचे पिठ खमंग भाजून घ्यावे.
- गॅस बंद करून त्यात भिजवलेली मेथी पावडर, खारीक पावडर, खसखस पावडर, किसून भाजलेले खोबरे, वेलची पूड, जायफळ पावडर, सुकामेवा, तळलेला डिंक, पिठीसाखर घालून मिश्रण गरम असतानाच त्याचे लाडू वळावे.
- अशाप्रकारे मेथीचे पौष्टिक लाडू बनवा तेही सोप्या पद्धतीने.
