तुमचा ड्रेसिंग सेन्स हा तुमच्या व्यक्तिमत्त्वाचा आरसा असतो, त्यामुळे ते निवडताना काही गोष्टी लक्षात ठेवणे आवश्यक आहे. एक मजबूत आणि आत्मविश्वास तुमच्या संपूर्ण जीवनात पुढे जाण्याचा मार्ग सोपा बनवू शकतो.त्यामुळे तुमचे दिसणे खूप महत्त्वाचे आहे. ऑफिसमध्ये परफेक्ट ड्रेसिंग सेन्स (Dressing Sense) तुम्हाला सुंदर बनवण्यासोबतच तुमचे मनोबल देखील वाढवण्याचे काम करते. त्यातच आता उन्हाळा सुरू झाला आहे. अशात कायम प्रश्न पडतो की, कोणते कपडे घालावेत. नेमकं काय टाळावे आणि काय घालावे हेच कळत नाही. म्हणूनच आम्ही तुमच्यासोबत ऑफिस ड्रेसिंगच्या (Office Dressing Tips) काही टिप्स शेअर करत आहोत. हे ट्राय करून तुम्ही सहज आरामदायक आणि स्मार्ट लुक (Smart Look) मिळवू शकता.
कॅज्युअल कपडे घालणे शक्यतो टाळा
आरामाला महत्त्व देणारे बरेच लोक फक्त कॅज्युअल वेअरमध्येच ऑफिसला जाणे पसंत करतात. कधी-कधी कॅज्युअल लूकमध्ये ऑफिसला जाण्यात काही गैर नाही. परंतु दररोज कॅज्युअल पोशाख परिधान केल्याने तुमची कामाप्रती निष्काळजीपणा दिसू शकतो. त्यामुळे कॅज्युअल परिधान करून ऑफिसला जाणे टाळावे.
परफेक्ट फिटिंग आणि कम्फर्ट
परफेक्ट फिटिंग आणि कम्फर्ट यांच्यात योग्य संतुलन राखणे फार महत्वाचे आहे. सुसज्ज कपडे तुम्हाला प्रेझेंटेबल बनवतात तर खूप घट्ट कपडे तुम्हाला अस्वस्थ करतात. त्यामुळे ऑफिससाठी नेहमी असे कपडे निवडा, जे तुम्ही घातल्यावर आरामात बसून काम करू शकता.
कपड्यांमुळे आत्मविश्वास वाढेल
कपड्यांमुळे वाढेल आत्मविश्वास ऑफिसला जाण्यासाठी तुमचे आवडते कपडे घाला. लोक सहसा त्यांचा आवडता ड्रेस परिधान करून आत्मविश्वास अनुभवतात. अशा स्थितीत तुमच्या आत्मविश्वासाचा कामावरही चांगला परिणाम होतो.
फुटवेअर
ऑफिसला जाण्यासाठी लोक कपड्यांकडे जास्त लक्ष देताना दिसतात. परंतू अनेक जण फूटवेअरकडे दूर्लक्ष करतात. विशेषतः ऑफिसमध्ये आरामदायी फुटवेअर घालणे फार महत्वाचे आहे. त्यामुळे ऑफिससाठी ड्रेसशी मॅचिंग असलेले चांगल्या ब्रँडचे फुटवेअर घेऊन जाण्यास विसरू नका.
पर्ल ॲक्सेसरीज
तुम्हाला क्लासी आणि हटके दिसायचं असेल तर पर्ल अॅक्सेसरीज ट्राय करा. ड्रॉप इअररिंग्स व्यतिरिक्त, पेंडेंट देखील घालू शकता. तुमचा लुक या ॲक्सेसरीजमुळे परफेक्ट दिसेल त्यामुळे ही ॲक्सेसरीज नक्की ट्राय करून बघा.
हेही पहा : Cotton Saree – ग्रेसफुल लूक देणारी कॉटन साडी
__________________________________________________________________
Edited By : Nikita Shinde
