Recipe : घरच्या घरी तयार करा ‘पालक वडी’

आपण यापूर्वी कोथिंबीर वडी, आळू वडी असे अनेक वड्याचे प्रकार आपण पाहिले आहेत. आज आपण झटपट पालक वडी कशी तयार करतात हे पाहणार आहोत.

साहित्य :

• पालक
• लसूण
• हिरवी मिरची
• जिरे
• ओवा
• ज्वारीच पीठ
• बेसन
• हळद
• तीळ
• मीठ

कृती : 

• सर्वप्रथम पालक स्वच्छ धुवून त्याचे देठ काढून फक्त पानं घ्यावी, मग पाच ते सहा पानं वेगळी एकमेकांवर ठेवून त्याचा रोल करून कापून घ्यावी. अशा प्रकारे सर्व पानं कापून घ्यावी.
• त्यानंतर मसाला करण्यासाठी मिक्सरच्या भांड्यात 7-8 लसणाच्या पाकळ्या, 5-6 हिरव्या मिरच्या, एक चमचा जिरे आणि ओवा टाकायचा आणि हे मिश्रण व्यवस्थित वाटून घ्यायचं.
• आता कापलेल्या पालकामध्ये ज्वारीच पीठ घालायचं. त्यात 2-3 चमचे बेसन, एक चमचा हळद, थोडे पांढरे तीळ, चवीनुसार मीठ आणि मिक्सरवर वाटलेला बारीक मसाला त्यामध्ये घालायचा.
• हे सर्व मिश्रण व्यवस्थित मिक्स करून घ्यावे.
• मग त्यामध्ये थोडं-थोडं पाणी घालून ते व्यवस्थित मळून घ्यायचं आणि त्यानंतर पीठ एका भांड्यात ठेवून नीट थापायचे.
• कूकरमध्ये गरम पाणी घेऊन त्यामध्ये स्टँट ठेवून मिश्रण असलेलं भांडं त्यावर ठेवायचं.
• मग कुकरची शिटी काढून तो 15 ते 20 मिनिटं मंद आचेवर स्टिम करण्यासाठी ठेवावे.
• स्टिम करून झाल्यानंतर त्याच्या चौकानी वड्या कापून त्या तेलून घ्याव्या.
• तयार पालक वडी सर्व्ह करा.

हेही वाचा : Recipe : घरी करा ढाबा style मिक्स दाल तडका,जाणून घ्या साहित्य आणि कृती