अनेकदा आपण गाजर हलवा, बीटरुट हलवा, दुधी हलवा बनवतो. पण फळांपासून देखील हलवा तयार करता येतो. आज आम्ही तुम्हाला सफरचंद हलवा कसा करायचा हे सांगणार आहोत.
साहित्य :
- 3-4 मोठे सफरचंद
- 2 चमचे तूप
- 3 चमचे साखर
- 1 चमचा वेलची पुड
- दूधाची साय
- काजू
- बदाम
कृती :
- Advertisement -
- सर्वप्रथम सफरचंद धुवून, त्याचे दोन काप करून त्यामधल्या बी काढून किस करून घ्या. कढईमध्ये तूप घ्या.
- तूप गरम होत आले की, काजू बदाम तुपावर 2 मिनिट परतून घ्या. आता मध्यम आचेवर सफरचंदाचा किस घालून सफरचंदातील पाणी कमी होईपर्यंत छान परतून घ्या.
- 15 मिनिट झाल्यावर त्यामध्ये साखर, वेलची पुड घालून ते एकत्र करून घ्या.
- मध्यम आचेवर हलवा आणि 2 मिनिटांनी साय घालून एकत्र करून घ्या.
- मिश्रण जाडसर होईपर्यंत परता आणि त्यानंतर तयार सफरचंद हलवा सर्व्ह करा.
हेही वाचा :