लहान मुलांना दररोज डब्यासाठी काय द्यावे असा प्रश्न पालकांना पडतो. दररोज पोळी-भाजी दिल्यामुळे मुलं देखील कंटाळतात. अशावेळी काहीतरी छान आणि वेगळं दिल्यास मुलं ही खूश होतात आणि आवडीने खातात. त्यामुळे आज आम्ही तुम्हा अशीच एक नवीन रेसिपी सांगणार आहोत.
साहित्य :
- 1 वाटी मॅक्रॉनी
- 1/2 वाटी बारीक चिरलेला कांदा
- 1 लहान टोमॅटो
- 1 ते 2 हिरव्या मिरच्या
- 1 चमचा तेल
- 1/4 चमचा जिरे
- 2 चिमूट हिंग
- 4-5 कढीपत्ता पाने
- चवीपुरते मीठ
- बारीक चिरलेली कोथिंबीर
कृती :
- सर्वप्रथम 3-4 वाट्या पाणी उकळण्यास ठेवावे. त्यात अर्धा चमचा मीठ घालावे. पाणी उकळले की त्यात मॅक्रॉनी घालाव्यात.
- 8 ते 10 मिनिटे उकळवून मॅक्रॉनी शिजवाव्यात.
- चाळणीत मॅक्रॉनी गाळून गरम पाणी निथळून मॅक्रॉनीवर गार पाणी घालून तेही पाणी निथळू द्यावे.
- त्यानंतर कढईत तेल गरम करावे.
- त्यात जिरे, हिंग, कढीपत्ता आणि मिरची घालून फोडणी द्यावी.
- आता त्यात कांदा घालावा आणि कांदा लालसर झाल्यावर त्यात टोमॅटो घालावा. टोमॅटो चांगला परतून घ्यावा.
- आता त्यामध्ये मॅक्रॉनी घालून मिक्स करावे. त्यानंतर त्यात मीठ घालून 2 मिनिटे गरम करून कोथिंबिरीने सजवून सर्व्ह करावे.
हेही वाचा :
Recipe : रव्याचे गोड ‘अप्पे’ नक्की ट्राय करा
- Advertisement -
- Advertisement -
- Advertisement -
